بوگون "چهارشنبه" سیلاولر ایرکین کمیسیونی باشلیغی حوا علم نورستانی نینگ کابلده بیر خبری ییغین آرقهلی ایتیشیچه، ییترلیچه زمان بولمهگنی باعث، 6- میزانده یالغیز جمهورلیک ریاستی سیلاوی یولگه قوییلهدی.
خانم نورستانی نینگ کوپهیتیریشیچه، 3 سیلاونی بیر زمانده یولگه قویش اوچون سیلاولر ایرکین کمیسیونینینگ ییترلیچه بودجهسی یوق دیر.
خانم نورستانی، جمهورلیک ریاستی نامزدلریدن، سیلاو بوتون قانونلرینی رعایت قیلیشلرینی سورهگن. اونینگ ایتیشیچه، جمهورلیک ریاستی سیلاویده بایومتریک سیستمهسیدن فایدهلنیش ممکن.
سیلاولر ایرکین کمیسیونی تامانیدن اعلان ایتیلگن تقویمگه کوره، جمهورلیک ریاستی سیلاوی جاری ییل 6 میزانده یولگه قوییلهدی.
بوندن آلدین غزنی حوزهیی سیلاوی و ولایتی کینگش سیلاوی نینگ جمهورلیک ریاستی سیلاوی بیلن بیر زمانده یولگه قویش قراری آلینگن ایدی.
