بوگون «دوشنبه» کابلده خبری بیر ییغین اوتکزگن ملی بیرلیک حکومت اجراییه باشلیغی عبدالله عبدالله رهبرلیگیده بولگن برقرارلیک و یقینلیک سیلاو تیم اعضاسی نور رحمان اخلاقی نینگ ایتیشیچه، ریجهلشتیریلگن تقلب گه قولی بولگن کیشیلرنینگ نظارتیده آوازلرنی قیته سنهش سیلاو جریانیده شفافیت نی تأمین قیله آلمهیدی.
جناب اخلاقی نینگ اورغولشیچه، آوازلر بوتونلهی تازهلنگنیدن سونگ، آوازلرنی قیته سنهش باسقیچی باشلهنیشی کیرهک.
اونینگ ایتیشیچه، کمیده 700 بایومتریک اسکونهسی یوقالگن و اولرنینگ معلوماتی سیلاو کمیسیونی نینگ اختیاریده ایمس دیر.
اوشبو گزارشده سیلاو ایرکین کمیسیونی مسؤوللری نینگ فکرینی اورگهنیش اوچون علاقه قوردیک؛ بیراق کیین مه کیین قونغیراقلر نتیجهسیده مؤفق بولمهدیک.
سیلاو ایرکین کمیسیونی نینگ مسؤوللری تامانیدن بیریلگن معلومات اساسیده، جمهورلیک ریاست سیلاوی نینگ آوازلری قیته سنهلیشی بوگون باشلهنیشی توغریسیده قرار قیلینگن ایدی، بیراق حاضرگهقدر بو جریان باشلنمهگن.
