بوگون «شنبه» خوست ولایتیده نمایندهلر کینگشی سیلاوینینگ نامزدلریدن کمیده 30 تهسی نمایندهلر کینگشی سیلاوینینگ دستلبکی نتیجهسی اعلان ایتیلگنی و باشقه 5 کیشی یوتوققه ایریشگنی گه قرشی اعتراض بیلدیرگنلر.
اعتراضچیلرنینگ ایتیشیچه، سیلاولر کمیسیونی 182 آوازبیریش مرکزینینگ آوازی نی توغری شکلده حساب قیلمهگن و بو آوازلر توغری شکلده حسابلنیشی کیرهک.
اعتراضچیلر، کیلهسی 24 ساعت گچه برچه آوازلر قیتهدن حسابلنمهگن صورتده، کابل-خوست قتناو یولی و سیلاولر ایرکین کمیسیونینینگ دروازهسینی باغلشی توغریسیده آگاهلنتیرگنلر.
بیراق خوستده سیلاولر ایرکین کمیسیونی دفترینینگ باشلیغی شاهجهان سردارینینگ ایتیشیچه، اعلام بولگن نتیجه نهایی ایمس و سیلاوی ساختهکارلیک توغریسیده حجتی بار کیشیلر حجتلرینی سیلاولر کمیسیونیگه ارایه قیلسین و اولر شکایتلرینی ییچیشلری ممکن.
بوندن آلدین، خوستده سیلاوی شکایتلرنی تینگلش کمیسیون دفتری باشلیغی عبدالله انصارینینگ ایتیشیچه، سیلاولر کمیسیونی اولر بیلن اویغونلیک قیلمسدن نمایندهلر کینگشی سیلاوینینگ دستلبکی نتیجهلرینی اعلام قیلمهسی کیرهک.
بیراق، اوتگن هفته سهشنبه کونی سیلاولر کمیسونی خوستده سیلاوی شکایتلرنی تینگلش کمیسیونینینگ ولایتی دفتری بیلن اویغونلیک قیلمسدن، خوست نمایندهلر کینگشی سیلاوینینگ دستلبکی نتیجهسینی اعلام قیلدی.
سیلاولر کمیسیونینینگ اعلام قیلیشیچه، کمالناصر اصولی، هلمند هلمند، محمدموسا خاورین، غفارخان و ساهره شریف خوستنینگ یوتوققه ایریشگن نامزدلریدن دیر.
