بایومتریک اسکونهسی آرقهلی قید ایتیلگن آوازلر سیستم گه کیریتیلیشی اوچون سیلاو ایرکین کمیسیونی نینگ بیرینچی برنامهسی مغلوبیت گه اوچرهگنیدن سونگ، سیلاو ایرکین کمیسیونی، جمهورلیک ریاست سیلاو نامزدلرینینگ نمایندهلری بیلن اویغونلیکده، اوشبو کمیسیون نینگ عمومی سروری گه بایومتریک اسکونهسی آرقهلی قید ایتیلگن آوازلرنی انتقال بیریش طریقهسینی اوزگرتیردی.
اوشبو برنامهده بایومتریک اسکونهسی نینگ میموری کارتی کمپیوترگه باغلنهدی و آوازلر کمپیوتر آرقهلی سیلاو کمیسیونی نینگ عمومی سروری گه انتقال بیریلهدی.
سیلاو ایرکین کمیسیونی نینگ سوزلاوچیلریدن بیری علی افتخاری نینگ ایتیشیچه، حاضرگچه بایومتریک اسکونهسی آرقهلی قید ایتیلگن 1 میلیون 300 مینگ دن آرتیق آواز عمومی سرورگه انتقال بیریلگن و اوشبو جریان بوگون اداغیگچه یکونلنیشی خصوصیده سعی و حرکت قیلینماقده.
سیلاو تیملری نینگ نظارتچیلری، آوازلر کمپیوتر آرقهلی سیلاو کمیسیونی نینگ عمومی سروری گه انتقال بیریلیشیدن راضیلیک بیلدیریشگن.
جمهورلیک ریاست سیلاوی 6- میزان ده یولگه قوییلدی و بو سیلاونینگ دستلبکی نتیجهسی 27- میزان ده اعلان قیلینیشی خصوصیده، قرار قیلینگن.
