افغانستان جمهور رئیسی و جمهورلیک ریاست سیلاوی نینگ نامزدلریدن بیری محمداشرف غنی، بیرینچی سیلاو کمپاینینی بویوکلر جرگهسی خیمهسیده یولگه قویدی.
جناب غنی نینگ سیلاو کمپاینی دن خبر توزهتیش اوچون بارگن میدیالرنی خبرچیلریدن بیرقطاری، جمهور رئیس نینگ خاص قوریقچیلرینی فزیکی حرکتی دن شکایت قیلیشگن.
جمهور رئیس غنی نینگ سیلاو کمپاینی دن خبر توزهتیش اوچون بارگن کلید رادیوسی نی خبرچیسی محمد فصیح نینگ سلاموطندارگه ایتیشیچه، اشتراکچیلردن بیری جمهور رئیس نینگ بیاناتلری گه اعتراض بیلدیرگنده و تصویر آلووچیلر اونینگ تصویرینی آلگنده، جمهور رئیس نینگ قوریقچیلرینی فزیکی حرکتی گه دوچ کیلیشگن.
اونگه کوره، بو واقعه دن سونگ، دولت قورووچی تیمی نینگ بیرینچی اورین باسری امرالله صالح سوزگه چیققنده، خبرچیلر ییغین نی تحریم قیلیشگن.
افغانستانده ایرکین میدیالردن حمایت قیلووچی اداره یا-ده «نی» تشکیلاتی مسؤولی نوید محمدی نینگ سلاموطندارگه ایتیشیچه، خبرچیلر و تصویر آلووچیلردن بیرقطاری، غنی نینگ کمپاینی جریانیده، اونینگ خاص قوریقچیلرینی یامان حرکتی گه روپه ره بولیشگن.
اونگه کوره، جمهورلیک ریاست سرایی بو واقعه نی جدی شکلده تیکشیریب و عامللرینی جزالنتیریشی کیرهک.
افغانستان خبرچیلری بیرینچی مرته جمهور رئیس غنی نینگ خاص قوریقچیلرینی زوروانلیگی گه روپهره بولمهگن. بوندن آلدین هم بوندهی واقعهلر نیچه مرته تکرار بولگن.
دولت قورووچی تیمی نینگ اعضاسی، بو موضوع توغریسیده جواب بیریش جمهورلیک ریاست سرایی نینگ مسؤولیتی دییدی و جمهورلیک ریاست سرایی قونغیراقلرگه جواب بیرمهدی.
