کابل‌ده بیرلشگن ملت‌لر تشکیلاتی نینگ اورین باسرلیک هیأت دفتری «یوناما» ینگی گزارشی‌ده اعلان قیلیب ایتیشیچه، میلادی 2019- ییل نینگ اوتگن اوچ آیی‌ده تینچ اهالی قربانلری 27% آشگن.
یوناما گزارشی‌ده کیلیشیچه، جاری میلادی ییل نینگ بیرینچی آلتی آیی‌ده قوراللی آتیشمه‌لرده بیر مینگ و 366 تینچ اهالی هلاک و باشقه 2 مینگ و 446 تینچ اهالی یره‌لنگن.
بیرلشگن ملت‌لر تشکیلاتی اورین باسرلیک هیأت دفتری نینگ ایتیشیچه، اوروش تامانلری تینچ اهالی نینگ قربانلری کمه‌ییشی اوچون سعی و حرکت قیلیش‌لریدن خبر بیریشگن، بیراق سعی و حرکت‌لر ییترلی ایمس و بو توغریده کوپلب ایش قیلینیشی کیره‌ک.
گزارش‌ده کیلیشیچه، جاری میلادی ییل نینگ ایکینچی اوچ آیی‌ده دولت کوچلری سبب بولگن تینچ اهالی قربانلری نینگ رقمی، دولت گه قرشی قوراللی عصیانچی‌لرنینگ هجوملری سبب بولگن قربانلری نینگ رقمی گه نسبتن آرتیق دیر.
یونامانینگ ایتیشیچه، اوروشت تامانلری آره‌سیده یوز بیره‌دیگن ییر آتیشمه‌لری تینچ اهالی قربانلری نینگ اصلی عاملی بولگن.
یوناما گزارشی اساسیده، ییرلشتیریلگن پارتلاوچی ماده‌لردن فایده‌لنیش و اینیقسه خودکش هجوم‌لردن باشقه هجوملر تینچ اهالی قربانلری نینگ 27% نی تشکیل بیره‌دی.
یوناما گزارشی‌ده کیلیشیچه، «یوناما تینچ اهالی قربانلریدن 52% نی دولت گه قرشی قوراللی عصیانچیلرگه، 38% طالبان گه، 11% داعش گه و باشقه 3% نی دولت گه نامعلوم کیشی‌لرگه نسبت بیره‌دی.»
اوشبو گزارش‌ده کیریتیلگن معلومات اساسیده، جاری ییل نینگ جنوری آیی باشیدن 30- جون گچه دولت گه قرشی قوراللی عصیانچیلر بیر مینگ و 968 کیشی نینگ اولیمی و یره‌لنیشی گه سبب بولگن و بو جمله‌دن 531 کیشی هلاک و باشقه بیر مینگ و 437 کیشی یره‌لنگن.
یوناما ینگی گزارشی‌ده ایتیشیچه، دولت کوچلری گه نسبت بیریلگن تینچ اهالی قربانلری نینگ رقمی اوتمیش گه نسبتن 31% آشگن.
بیرلشگن ملت‌لر تشکیلاتی نینگ اورین باسرلیک هیأت دفتری، میلادی 2019- ییل نینگ بیرینچی آلتی آیی جریانیده، 717 اولیم و 680 یره‌لی شامل بیر مینگ و 397 تینچ اهالی قربانلری دولت کوچلری گه نسبت بیریلگن.
یوناما دولت گه قرشی قوراللی عصیانچیلردن انسان دوست‌لیک خلق ارا قانونی اساسیده، تینچ اهالی و مقصدلریدن تعریف قیلیش‌لرینی سوره‌گن.
