فوکس ترقیات ادارهسی سونگی تدقیاتده کورسهتیشیچه، مملکت یشاوچیلریدن 91% شارواللیکلر ادارهسی فسادگه باتگن دیب توشینهدیلر. اوشبو تدقیقاتگه کوره، شهرلرده یشهیدیگن اهالی 81% شارواللیکلر ایشیدن راضی ایمسلر.
بو تدقیقاتده «شهر، شاروال و شهر یشاوچیلری» نامیده 6 آی مابینیده 9100 کیشی صحبت بیریشی بیلن تیار ایتیلگن تدقیقاتده فکر بیلدیرگنلردن 33 فایزی خاتین قیزلر و 67 فایزی ایسه ایرککلر بولگن. بولردن 47 فایزی سوادلی و 53 فایزی ایسه سواد سیز انسانلر ایکن.
بو فکر اورگهنیش محلی رسانهلر آرقهلی 90 خبرچی نینگ کونگیللی طرزیده 30 عیال و 60 ایرکک خبرچی اشتراکیده بولگن.
فوکس ترقیات ادارهسی اوز تدقیقاتیده شهرلرده یشهیدگنلرنینگ 10 ته قیینچیلیکلرینی کورستگن. مذکور اورگهنیب چیقیش اساسیده، اهالی نینگ 28 فایزی ایچهدیگن سوو بولمهگنی، 13 فایزی شارواللرنی سوپروندیلرگه توجه قیلمهگنی، 12% باغچهلر بولمهگنی، 10% خاتین قیزلرگه خاص ساتیش آلیش مرکزلری بولمهگنی، 9 فایزی شهرلرده کانالیزاسیون سیستمهسی بولمهگنی، 8 فایزی موترلر اوچون پارکینگ بولمهگنی، 6% سیار تشنابلر بولمهگنی، 3 فایزی فاتحه خوانلیک سالونلری بولمهگنی و قالگن بیر فایزی ایسه شهرلرده قبرستان بولمهگنلیگیدن شکایت قیلگنلر.
اوشبو تدقیقاتده اشتراک قیلگنلردن 94،4 فایزی شارواللرنینگ یشاوچیلر شکایتلری اوچون هیچ قنقه بیر لایحهلری بولمهگنلیگی و 91 فایزی یشاوچیلر، مدنی فعاللر و رسانهلر اوچون شارواللر ایشلریدن نظارت قیلیش یولی قوییلمهگن دیب اویلیدیلر.
مذکور تدقیقات اشتراکچیلریدن 53 فایزی سیلاو نظامیگه اصلاحات کیلمهگونگه قدر شارواللر انتصابی شکلیده ایتیب تعیینلنسینلر دیگنلر.
فوکس ترقیات ادارهسی نینگ ایتیشیچه، اوشندهیکه مملکت شهرلریده آلدیندن کوره امنیت یخشی بولگن و شارواللرنینگ سیلاو آرقهلی تنلنیشلری لازم، اما حاضرگه قدر شارواللر تنلهنیشی اوچون هیچ قنقه بیر ایش بولمهگن. بو ادارهگه کوره، حاضرهم مملکت بویلب طالبلر زمانیدهگی قانون شارواللیکلرده ایشله تیلهدی.
