بغلان امنیه قومندانلیگینینگ سوزلاوچسی ذبیحالله شجاعنینگ سلاموطندارگه ایتیشیچه، اوتگن «دوشنبه کون» داعش گروهینینگ نیچه جنگریسی بغلان ولایتینینگ بُرکه تومنی تنگی مورچ منطقهسینینگ یشاوچیلریدن 18 کیشینینگ دولت امنیتی کوچلری بیلن قرینداشلیک جرمیگه عیبلب دُره اورگن.
جناب شجاعنینگ کوپهیتیریشیچه، مذکور 18 کیشی، اوچ کون آلدین، داعش گروهی تامانیدن قورشاوگه آلینگن و اوتگن کون دُره اوریلگنیدن کیین، قوییب یوباریلگنلر.
بغلان امنیتی رسمیلرینینگ ایتیشیچه، سونگی نیچه آیده جندالله گروهی جنگریلریدن اونلرچهسی قوراللی طالبلردن اجرهلیب داعش گروهیگه قوشیلگن و شونینگدیک، بغلان ولایتینینگ بُرکه تومنیده دولتگه قرشی فعالیتلرینی باشلهگن.
