افغانستان بویلب 1731 ایرکک 355 عیال ایدز کسللیگی‌گه چلینگن

دسمبر آیی نینگ بیرینچیسی خلق ارا ایدز کسللیگی‌گه قرشی کوره‌ش کونیگه تینگ. بو کون مناسبتی بیلن مملکت ساغلیقنی سقلش وزیرلیگی نینگ مسووللری بیلن ملاقات قیلیش‌گه قرار قبول قیلدیک. وزیرلیک نینگ مسووللری، مملکت بویلب هنوز هم ایدز کسللیگی‌گه یولیققگن 2086کیشی رویخط‌گه آلینگن دیدیلر. اوشبو رقم دن 83% ایرککلر و 17% ایسه عیاللر تشکیل بیره‌دی.

ساغلیقنی سقلش وزیرلیگی ایدز لایحه‌سینی کنترول قیلیش دستوری نینگ تخنیکی اورین باسری محمدیونس، اوشبو کسللردن 66ته‌سی باله‌لردن عبارت دیدی. جناب برگامی، بو کسللیک‌که یولیققنلرنینگ کوپینچه‌سی کابل، هرات و ننگرهار یشاووچیلر ایکن لیگینی تیلگه آلگن.

جناب برگامی نینگ سوزلریگه قره‌گنده، حاضرگی کونده بو بیمارلردن 433ته سی دواله‌نیش آستیگه آلینگنلر دیگن. شونینگدیک 500 کیشی جنسی علاقه‌دن تشقری باشقه یوللر بیلن بو کسللیک‌که چلینگنلر دیگن برگامی.

ایدز دستور نینگ تخنیکی معاونی، اوتگن ییلگه قدر بو کسللکنی دواله‌ش اوچون مملکت بویلب 5 مرکز فعالیت قیلگن؛ لیکن حاضر ایسه بو رقم 396گه کوپیگن دیگن.

میلادی 2007- ییل ده ایران‌ده سرنج آرقه‌لی ایدز کسللیگی‌گه چلینگن ادریس عزیزی، بو بیمارلیک‌که یولیققنن لیگیدن ایکی ییل اوتگندن کیین خبر بولگن، او ییتی ییلدن بیری دواله‌نیش آستیگه آلینگن.

ایدز ویروسی انسان بدنی نینگ مدافعه‌وی حالتدن قویه‌دی.

خلق ارا حسابتلرگه قره‌گنده ایدز کسللیگی نینگ 70% ناقانونی جنسی علاقه‌لر آرقه‌لی بیر کیشیدن باشقه بیر نفرگه اوته‌دی.

اوشبو بیمارلیک تانیلگندن بیری هنوزگچه دنیا بویلب 35 میلیون انسان نینگ حیاتیگه نقطه قویگن.