قندوز ملت وکیللری و مدنی فعاللریدن قطاری خبری بیر ییغین آرقهلی، محلی مسئوللرنینگ توجهسیزلیگی و سونگی آیلرده مذکور ولایت حاکمی دفتری گه حاضر بولمهسلیگی توغریسیده شکایت قیلیشگن.
مذکور ولایت حاکمی دفتری گه حاضر بولمهسلیگی باعث، قندوز محلی مسئوللری کرونا ویروسی گه قرشی توغری کورهشمهگن.
اولر، مرکزی حکومتدن مذکور ولایت حاکمی عبدالجبار نعیمی نینگ ایشدن آلینیشی نی سورهشگن. نمایندهلر کینگشی ده قندوز یشاوچیلری نینگ نمایندهسی داکتر فاطمه عزیز نینگ ایتیشیچه، اهالی یمان وضعیت گه حیات کیچیرهدی و کرونا ویروسی برچه نینگ تهدید قیلهدی، بیراق محلی حکومت ساغلیک خذمتلر ترقهتیش خصوصیده بی فرق یاندهشهدی.
اونگه کوره، حکومت کرونا ویروسی گه قرشی کورهش اوچون قندوز ولایتی گه 100 میلیون افغانی اَجرهتگن، بیراق والی نینگ حضورسیزلیگی باعث مذکور پول دن قوللنیلمهگن.
قندوز ولایتی کینگش باشلیغی محمدیوسف ایوبی نینگ ایتیشیچه، کرونا ویروسی نینگ بیللی قیلهدیگن مرکز یوقلیگی، اهالی نی خواطرگه سالگن.
او، مملکت جمهوررئیسیدن مذکور ولایت اوچون ینگی حاکم تانیشتیریشی نی سورهب ایتیشیچه، بو توغریده تیزلیککه اقدام بولمهگن صورتده، انسانی فاجعه یوزبیریشی ممکن.
شونینگدیک مذکورولایت مدنی فعاللری محلی حکومت نی توجهسیزلیککه عیبلهب ایتیشلریچه، قندز ولایتی ده کرونا کسللیگی توغریسیده اختصاص بیریلگن 75 یاتاقلی کسلخانهده، دستلبکی ساغلیک ملزمهلری یوق دیر و ساغلیک مسئوللری کرونا ویروسی گه چلینگن کیشیلر رقمی نی ناتوغری بیلدیرهدی.
قندوز حاکمی سوزلاوچیسی عصمتالله مرادی نینگ ایتیشیچه، قندوز ولایتی ده کرونا ویروسی توغریسیده اَجرهتیلگن پول، قندوز حوزوی کسلخانهسی نینگ جهازلنتیریش اوچون صرفلنهدی.
او، والی نینگ حضورسیزلیگی توغریسیده ایتیشیچه، جناب نعیمی رسمی بیر سفر آرقهلی کابل بارگن و قندوز اهالیسی نینگ قیینچیلیکلری و تکلیفلرینی جمهوررئیس بیلن شریک قیلهدی.
قندوز ساغلیک ریاستی باشلیغی احسانالله فضلی نینگ ایتیشیچه، کم امکانیت بولگنده هم بیراق کرونا ویروسی توغریسیده شبههلی کیشیلرنینگ لابراتواری سیناوی نی تیزلیک که مرکز گه یوبارهدیلر. اونینگ ایتیشیچه، قندوز کسلخانهلری نینگ کوپینچه امکانیت گه احتیاجی بار.
جناب فضلی نینگ ایتیشیچه، بو ولایتده بیر داکتر شامل 3 کیشی کرونا گه چلینگن و اولر اویلریده قرنطین قیلینگن. بیراق مذکور ولایت داکترلریدن قطاری بو ولایتده کرونا ویروسی گه چلینگنلر رقمی نی کوپ دیدیلر.
اولرگه کوره، ساغلیک امکانیتلر کملیگی باعث اهالی اونچهلیک کسلخانه گه باریشمهدی.
ساغلیک وزیرلیگی نینگ گزارشی اساسیده، قندوز ولایتی ده حاضرگچه 8 کیشی کرونا ویروسی گه چلینگن و باشقه اونلرچه واقعه حاضرگچه بیلگیلنمهگن.
مملکتده کرونا ویروسی گه چلینگنلر رقمی 933 کیشی گه ییتیشگن. حاضرگچه 112 کیشی دارولنگن و باشقه 30 کیشی جان بیرگن. ساغلیک وزیرلیگی دارولنگنلرنینگ 12 فایز و هلاک بولگنلرنینگ 3.2 فایز دیدی.
