کیچه ساعت 1:30 ده، ایکی ناتانیش کیشی جمیلهنینگ اوییگه کیرهدی. 10 دقیقهدن کیین، اویدن اوق سیسی ایشیتیلهدی. محمد حسن نفس اوریب کییمی قانگه بویهلیب جمیلهنینگ اوییدن چیقیب قارانغو کوچهگه یوقالهدی.
اوشه کون ایرتهسی (دوشنبه) سلاموطندار جمیلهدن کیچه یوزبیرگن واقعه توغریسیده سورهیدی. جمیله خبرچینینگ کوزیگه تیکیلیب ایتیشیچه، ینگی اویقولهگن ایدیک، ایکی یاش کیشی اوییمیزگه کیردی و اولردن بیری 80 یاشر ایریمنی ایاق و قولینی آلیب و باشقه بیری مینگه جنسی زورلشگه قصد قیلدی.
جمیلهنینگ قیسقه توختهلیب ایتیشیچه، اویقولهیدیگن تخت اوستیگه چوچیب یاستیق آستیدهگی تفنگچهنی چیقاریب جنسی زورلشگه قصد قیلگن کیشی همایوننینگ باشینی هدف آلهدی. سلاموطندار خبرچیسینینگ ایتیشیچه، همایوننینگ باشی اوق یقیندن آتیلگنی باعث، ایکی بولک بولگن.
ایکینچی اوق محمد حسننینگ کوکرهگیگه تیگیب و اونینگ اتاقنی بیر چیکهسیگه تشلهیدی. بیراق محمد حسن ایسیغیده قاچیشگه تاپیب و جمیلهنینگ اوییدن قاچیشگه مؤفق بولهدی.
فاریاب ولایتی گرزیوان تومنی یشاوچیسی جمیله، نیچه دقیقهدن کیین محل پولیسیگه قونغیراق قیلهدی و پولیس واقعه محلیده ییتیشهدی. گرزیوان تومنی پولیس قومندانی بریالی بشریار پروانینینگ سلاموطندارگه ایتیشیچه، محمد حسن اوزینی دارولش اوچون گرزیوان تومنی کسلخانهسیگه بارگنیدن کیین، امنیتی کوچلر تامانیدن تانیلیب توتقونگه آلینهدی.
بیراق، واقعه خصوصیده محمد حسن سوزلری بیلن جمیله و پولیس قومندانینینگ سوزلری فرقلی دیر. محمد حسن قتیق لیککه سوزلب سلاموطندارگه ایتیشیچه، مین و همایون، جمیلهنینگ اوییدن بیر آز تریاک ساتیب آلیشگه قرار قیلگن ایدیک؛ انه شو سبب اوییگه باردیک. بیزلر هیچ قچان جمیلهنینگ اوستیگه جنسی زورلشگه قصد قیلمهگن بیز. محمد حسننینگ آتهسی عبدالستار گرزیوان تومنی شاخ دره منطقهسیدن تومن کسلخانهسیگه کیلیب ایتیشیچه، اوغلی بو عیالنی اوستیگه جنسی زورلشگه قصد قیلگنی توغریسیده هیچ ایشانمهیدی و حاضر بو وضعیتنی کوریب شاشیلیب قالگن.
گرزیوان تومنی پولیس قومندانینینگ ایتیشیچه، افغانستان جزا قانونیگه اساس، 25 یاشر جمیله اوزیدن دفاع قیلگنی باعث، برچه ادعالردن اوزاق دیر و پولیس هم مملکتده بوندهی باتور عیاللر بارلیگیدن فخرلنهدی. بیراق جمیلهنینگ ایتیشیچه، انتقام آلیش مسئلهسیدن قورقهدی. هجومچیلر عایلهسی فرزندلرینینگ انتقامینی آلیشیدن قورقهدی. جمیله حکومتدن خوفسیزلیگی تأمینلنیشی خصوصیده؛ چاره تدبیر کوریشینی سورهدی.
