.jpg)
خانولی عادل، عایله اعضاسینینگ زورهوانلیگیگه قرشی توریب و نتیجهده اویی و عایله اعضاسینی ترک ایتیب کابلگه کیلگن. او، تحصن خیمه تیکیب کیچه و کوندوزنی اوشه ییرده اوتکزهدی.
کمیده بیر آی آلدین، عادلنینگ سلاموطندار بیلن اوتکزگن خاص صحبتیده ایتیشیچه، سینگلیلرینینگ یمان حالتی اوچون آیاق اوستیگه توریب، نا توغری رسمو رواجلرگه قرشی کورهشگن و نتیجهده شهرنی ترک ایتیشگه مجبور بولگن.
اونینگ ادعا قیلیشیچه، آتهسی ایسکی و سنتی ارزشلرگه جدی شکلده ایشانیب باغلهنیب قالگن و هیچ قچان اوزینی اوزگرتیرهآلمهیدی. تورموش اورتاغیگه اوییدن چیقیشگه رخصت بیرمهیدی؛ اونینگ ایتیشیچه: «عیال اوی ده یا گور ده» بولیشی لازم. بوندن کوره یمان، قیزلرینینگ درس اوقیشگه رخصت بیرمهیدی. عادلنینگ سینگلیلری سوادسیز قالگن.
.jpg)
عادل آتهسیگه قرشی ایشانچی بیلن هر بیر عیال انسان صفتیده بیلیم اورگهنیب، ایرکین یشهب و کیلهجکی اوچون اوزی قرار قیلیشینی ایتهدی. عادلنینگ ایتیشیچه، آتهسی بیلن آنهسینی جوده هم سیوهدی، بیراق آته و آنهسیگه بولگن سیوگی سینگلیلریگه قرشی بولهدیگن ظلمدن اوستون بولهآلمهیدی.
عادل نیچه مرته عایلهوی مسئلهلر و آتهسی بیلن ایناغهلرینینگ ظلم و ستمینی امنیه قومندانلیگی، باش قارهلاوچیلیک ادارهسی، آق سقاللر و قوم بویوکلری بیلن شریک قیلگن؛ بیراق، بو ایشلرنی برچهسی نتیجهسیز قالگن. انه شو سبب، بو مرته اوزی ایشگه کیریب، پایتختده تحصن خیمه قورگن.
عادلگه کوره، آته سالارلیک تیزیمی و اونگه قرشی کورهشگن حکایهسی سلاموطندارنینگ سایتیدن نشر بولگنیدن کیین، خلقنینگ فکری اوزگریب و بیرقطار کیشیلر همدردلیک بیلدیریش اوچون اونینگ تحصن خیمهسیگه کیلگن؛ خلقنینگ همدردلیگی، اونینگ کیلهجککه امیدوار قیلیب و کورهشیش اوچون ارادهسینی مستحکملشتیرگن.
