.jpg)
افغانستان سادات یرهش کینگشی اوروش تامانلریدن اوچ آیگه قدر آتیشمهلرنی توختمهگن حالده، مملکت ساداتی قیام قیلیشی بارهسیده آگاهلنتیرگن.
بوگون (پنجشنبه) اوشبو کینگش نینگ اعضالری «افغانستان ایتنیگ گروه بیرلیگی» نامی آستیده کابلده ییغین اوتکزیب ایتیشلریچه، مملکتده بوندن آرتیق اوروش و قان توکیش اوچون حوصلهلر پیر بولگن. بو کینگش افغانستاندهگی برچه اوروش تامانیدنلریدن تیزلیکده آتیش کیسین اعلان قیلیب اوروشگه پایان بیریشلری کیره دیگن.
افغانستان سادات کینگشی نینگ باشلیغی سیدپادشاه حسینی، مملکت بویلب اوچ میلیون سادات جمعیتی بار بو جمعیت افغانستان حکومتی هم دولت قوراللی مخالفلریگه اوچ آیگه قدر اوروشگه پایان بیرمهگن حالده، بولرگه قرشی قیام قیلهدی دیگن.
.jpg)
عین حالده، سابق پاکستانده طالبلرنینگ ایلچیسی مولوی عبدالسلام ضعیف، افغانستان نینگ بوتون خلقی سادات قومی کبی اوروش برابریده سیس چیقاریشلرینی سورهگن. او، اوروش محرومیت نینگ اصلی عامل دیگن. هر قندهی محرمیتنی اورتهدن کوتاریش اوچون ملت ایچیده بیرلیک و بیردملیککه احتیاج بار دیگن ضعیف.
جناب ضعیف، افغانستانده اوروشگه باعث بولهدیگن بوتون حساساسیتلر اورگهنیلیشی لازم دیب، معین بیر لایحه اساسیده مملکتدهگی 40 ییللیک اوروشگه نقطه قویش درکار دیگن.
افغانستان سادات کینگشی قویاش 1371- ییلده فعالیتگه باشلهگن و حاضرهم مملکتنینگ کوپینچه ولایتلریده نمایندهلیگی بار.
