افغانستان استراتژیک تدقیقاتلر انستیتوتی «سیلاولر تیزیمیگه اصلاحات کیلتیریش و افغانستانده پارلمانی سیلاولرنی تجربهسی» نامیده ینگی بیر گزارش ترقهتیب ایتیشیچه، اهالی نینگ 53 فایزی نی ایشانچی اساسیده، ملت وکیللری شخصی منفعتلرینی ایزلهب و نهایتده آوازبیروچیلر نمایندهلریدن راضی ایمس دیر.
اوشبو تدقیقات اساسیده، اشتراکچیلردن 45 فایزی سیلاولر ایرکین کمیسیونی ایشلریگه یمان کوز بیلن قرهیدیلر، عینحالده اولردن 47 فایزی کمیسیوننینگ ایشلرینی ایجابی دیدیلر. اشتراکچیلردن 18 فایزی کمیسیوننینگ فعالیتی نی «کوپ یمان» دیگنلر و بولردن یریمی (9 فایز) کمیسیون نینگ ایشلرینی کوپ یخشی دیگن.
مذکور تدقیقات اساسیده، پشتون اشتراکچیلردن 28 فایزی پارلمانی سیلاونی اینگ اونملی سیلاو دیگنلر. بیراق بو رقم تاجیکلرده 14 فایز، اوزبیکلرده 16 فایز و هزارهلرده 13 فایزگه ییتیشهدی.
اشتراکچیلردن 68 فایزینینگ ایتیشیچه، کیلهسی سیلاوده اشتراک ایتهدیلر. 15 فایزلری اشتراک ایتمهیدیلر و کمیده 16 فایز بو توغریده قرار آلمهگن.
افغانستان استراتژیک تدقیقاتلر مرکزی، اوتگن پارلمانی سیلاوده اهالینینگ اشتراک رقمی توغریسیده ایتیشیچه، اوتگن سیلاوده شهر یشاوچیلریدن 58 فایزی سیلاوده اشتراک ایتگن، بیراق بو رقم قیشلاق یشاوچیلری گه 72 فایزگه ییتیشهدی.
اشتراکچیلردن 31 فایزی نی ایتیشیچه، نمایندهلر ملت گه جواب بیروچی دیر. اولردن 24 فایز وکیللر سیلاوی حوزهلرده جواب بیروچی دیگن بیراق 15 فایزی جمهور رئیس گه جواب بیروچی دیگن.
شونینگدیک اشتراکچیلردن 13 فایزینینگ ایتیشیچه، نمایندهلر جواب بیریشگه مجبور ایمس دیر و اولردن 2 فایزی، نمایندهلر چیت ایللیکلرده جواب بیریشگه مجبور دیر.
تدقیقات گه اشتراک ایتگن عیاللردن 34 فایزینینگ ایتیشیچه، اوتگن سیلاوده نماینده لرینی سیاسی گرایشلریدن خبردار ایکنلر و بو رقم ایرککلرده 14 فایزگه ییتیشهدی.
کاندیدلرده ایشانیش بو تدقیقات نی باشقه بیر بولیمی بولگن. بو توغریده اشتراکچیلردن 63 فایزی نینگ ایتیشیچه، تحصیل قیلگن و ایرکین کاندیدلرده ایشانهدیلر و 11 فایز سیاسی حزبلر نمایندهلریگه و اولردن 10 فایزینینگ ایتیشیچه، اوز قوم لریدن بولگن نامزدلرگه ایشانه دیلر و باشقه 6 فایزنینگ ایتیشیچه، هیچ بیر نامزدگه ایشانمهیدیلر.
عیال اشتراکچیلردن 19 فایزینینگ ایتیشیچه، عیال نامزدلرگه آواز بیرمهیدیلر و اولردن 29 فایزی پارلمان ده عیاللر اوچون خاص ایتیلگن چوکیلر خصوصیده قرشیلیک بیلدیرگن.
مذکور تدقیقاتگه 13 ولایت دن 1305 کیشی بیلن صحبت اوتکزیلگن.
