کابلده اوتکزیلگن نمایندهلر کینگشی سیلاوینینگ آوازلری بیکار قیلینیشی توغریسیده ینهبیر بار مشمشلر باشلنگن. نیچه وقت آلدین سیاسی حزبلردن بیرقطارینینگ نظارتچیلری و حاضر کابل نامزدلریدن بیرقطارینینگ ایتیشیچه، کابلده اوتکزیلگن نمایندهلر کینگشی سیلاوینینگ آوازلری بیکار قیلینیشیدن باشقه یول قالمهگن.
اعتراضچی نامزدلردن بیری داوود کلکانینینگ ایتیشیچه، سیلاولر شکایتلرینی تینگلش کمیسیونینینگ سابق قیلگن قراری اساسیگه کابل آوازلرینی بیکار قیلینیشی کیرهک.
اعتراضچی نامزدلردن باشقه بیری عبدالعلی محمدینینگ ایتیشیچه، سیلاولر ایرکین کمیسیونی سیلاو بوتون قانونلرینی نقض قیلگن.
اوشبو نامزدلردن بیرقطارینینگ ادعا قیلیشیچه، 28 و 29 میزان نمایندهلر کینگشی سیلاوی یولگه قویلیشیدن آلدین آواز بیریش ورقلرده بایومتریکلی استیکرلرنی قوندیریش دوام ایتماقده ایکن.
بو نامزدلرنینگ ایتیشیچه، آوازلرنینگ سنهلیشی جریانیده، بیر آواز 2000 افغانی معامله ایتیلگن و یوتوققه ایریشگنلرنی اهالی آوازی ایمس، پول بیللی قیلهریکن.
بیراق سیلاولر ایرکین کمیسیونی اعضاسی حفیظ الله هاشمینینگ سلاموطندارگه ایتیشیچه، ساختهکارلیکلر خصوصیده بولگن بوتون شکایتلرگه تیکشیریلهدی، بیراق کابل آوازلری بیکار قیلینمهیدی.
