کوپراق جنجاللر هر زماندن کوره حاضر اجتماعی صحیفهلرده ییریک توس آلگن. هر بیر مرته فیسبوک صحیفهنگیزگه کیرگنینگیزده بیر قنچه قیسه – اوزون معلوماتلرگه روپه ره بولهسیز.
بو معلوماتلر شخصلرنی کمسیتیش حتی حقارتدن عبارت. بوندهی بیر فضا افغانستانلیک هر بیر فیسبوک ایشلهتوچیگه عادی بیر مسالهگه ایلنگن.
اجتماعی متخصصلر و بیلیم یورت استادلری معلومات ییتکزیش، فکر بیلدیریش، تجربهلرنی شریک قیلیش، خواطر و علاقهلرنی فیسبوک ایشلهتیش نیتلردن دیب بیلهدیلر. اما، اخیرگی نیچه وقت ایچیده فیس بوک فقط کیشی – کیشی نی کم سیتیش، حقارت، اهانت و کوپراق شخصیت کشلیک اوچون فایدهلنهدیلر.
بیلیم یورت استادی فیصل کریمی نینگ سلاموطندارگه ایتیشیچه، فیس بوک آرقهلی عقدهلرنی چیقاریب بیر – بیراونی اهانت قیلیش نینک کیلهجکی یمان دیر البته. او، بو ترماق نینگ فضاسی افغانستان اجتماعی وسیاسی فضاسی نینگ واقعیتی دیر «بو فضا مدیریت» بولیش کیره ک دیگن.
فیس بوک صحیفهسی حددن تشقری آلوده بولگن لیگی باعث آلدین همده بیلیم یورتلرده عالی درجهده تحصیل آلگنلر هم قومی، تیل، و منقطقه وی مسالهلرنی کوپراق یارتیشگه حرکت قیله دیلر دیگن جناب کریمی.
جمامعه شناس استاد علی احمد کاوه، مسووللرنی تنقدی قیلیش اوچون اجتماعی ترماقلر یخشی بیر تربیون، لیکن سونگی کونلرده بو ترماقلر ایریمه چیلیک مسالهلرگه کوپراق سببچی بولگن لیگینی اشاره قیلگن.
مجازی ترماق نینگ متخصصی رفیق بهروزیان، هنوزگچه هم اجتماعی ترماقلردن فایده لهنیش مدنیتی رواجلنمهگن دیگن. اونینگ تعبیریگه کوپینچه شخصلر مذکور ترماقلرنی سوء استعال قیلیب عقدهلرنی چیقاریشگه حرکت قیلهدیلر دیگن.
او، اجمتاعی ترماقلر اینیقسه فیسبوکدن فایدهلهنیش اوچون دستلب بونینگ مدنیتینی اورگهنیشگه اساسی اهمیت بیریلیشی اوستیده اورغولهگن.
ساحه نینگ متخصصلری دولت سایبری قانونی جرمینی ایشلب چیقاریب تصدیق ایتیلیشی کیرهک دیگنلر. مجازی ترماقلرنی استفاده قیلیش یانده ایرمهچیلیک، اهانت، حقارت و شخصت کشلیک قیلهدیگن کیشیلر تانیلیب جزاگه بیریلیشی لازم دیدی ساحه نینگ متخصصلری.
