قیش موسومیده هوا ساووقلیگی، ییگولیک و یاقیلغی مادهلرنی قیمتی کوتریلگنی باعث، بادغیس یشاوچیلری جدی قیینچیلیکلرگه دوچ کیلگن.
سلاموطندارگه صحبت بیرگن بادغیس یشاوچیلریدن بیرقطارینینگ ایتیشیچه، اوشبو ولایت بازارلریده ییگولیک و یاقیلغی مادهلرنی قیمتی کمیده ایکی برابر بولگن.
اولرگه کوره، هوا ساووق بولیشی و مذکور ولایتنینگ قتناو یوللری توسیلیشیدن آلدین، بیر بوجی آق برنج نی قیمتی 1400 افغانی ایکن؛ بیراق بیر برنج نی قیمتی 1800-2000 افغانی گه کوتریلگن و شونینگدیک، 4 کیلو چوب قیمتی 60 افغانی دن 100 افغانی گه ییتیشگن.
اولر، محلی مسؤوللر اینیقسه ولایت شهردارلیگیدن بازارلرنی جدی شکلده نظارت قیلیشینی سورهیدی.
عین حالده، بادغیس ولایت کینگشی باشلیغی عبدالعزیز بیگ نینگ ایتیشیچه، ییگولیک و یاقیلغی مادهلرنی قیمتی هرات-بادغیس قتناو یولی باغلنگنی باعث کوتریلگن.
اونگه کوره، ییگولیک، یاقیلغی مادهلرنی قیمتی و بازار نرخینی نظارت قیلیش شهردارلیک نینگ وظیفهسی بولگن.
شو توغریده…
منطقهدهگی سیاسی اوزگریشلر باعث، افغانستانده گاز بهاسی کوتریلگن
فاریاب ولایتیده گاز بهاسینینگ یوقاری کیتگنی اهالینی خواطرگه تشلهگن
کابل بازارلریده ییگولیک مادهلر و باشقه نرسهلرنی بهاسی کونسایین کوپهیماقده
عین حالده، بادغیس شهردارلیگینی سرپرستی اسحاق واثق نینگ ایتیشیچه، بازار نرخینی نظارت قیلیشده اولرنینگ هیچ بیر مسؤولیتی یوق دیر.
اونگه کوره، نرخنامه ترقهتیش و نرخ تعیین قیلیش قانون اساسیده، شهردارلیکنینگ صلاحیتیدن ایمس.
باشقه تاماندن، بادغیس ولایتینینگ فوایدعامه ریاستی مسؤوللرینینگ ایتیشیچه، قلین یاغگنی باعث، هرات-بادغیس قتناو یولی قیسه مدت ترافیک یوزیگه باغلنگن و حاضر مذکور قتناو یول آچیق دیر.
