ساغلیک وزیرلیگی نینگ معلوماتی اساسیده، اوتگن 24 ساعتده مملکتده کرونا ویروسی گه شبههلی 761 واقعه تیکشیریلگن کیم، بولردن 13 ولایتده 582 تهسی ایجابی انیقلنگن.
مذکور ینگی واقعهلر قید ایتیلیشی بیلن مملکتده کرونا ویروسی گه چلینگنلر رقمی 19 مینگ و 551 کیشی گه ییتیشگن.
بوگون (شنبه 17- جوزا) ساغلیک وزیرلیگی مسئوللری نینگ ایتیشلریچه، بولردن 161 کیشی کابل، 193 کیشی هرات، 7 کیشی قندهار، 46 کیشی بلخ، 23 کیشی ننگرهار، 107 کیشی نیمروز، 15 کیشی لغمان، 14 کیشی غور، 5 کیشی کنر، 2 کیشی هلمند، 2 کیشی نورستان، 6 کیشی ارزگان و باشقه 1 کیشی ایسه پکتیا ده کرونا ویروس گه چلینگن.
اوتگن بیر کیچه – کوندوز ده کرونا ویروسی گه چلینگن 18 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 327 کیشی گه ییتیشگن. شونینگدیک اوتگن 24 ساعتده کرونا گه چلینگن 68 کیشی دارولنگن کیم بو رقم بیلن دارولنگنلر سانی بیر مینگ و 830 کیشی گه ییتیشگن.
