زابل حاکمینی سوزلاوچیسی گلاسلام سیال نینگ ایتیشیچه، مذکور ولایتده یاغگن سونگی یامغیرلر و یوز بیرگن سوو تاشقینلری نتیجهسیده 10 مینگ عایله زیان کورگن.
سیال گه کوره، مذکور ولایت نینگ قلات شهریده زیان کورگن عایلهلرگه یاردم بیریلگن؛ بیراق مذکور ولایت نینگ قطار تومنلریده یوز بیرگن سوو تاشقینلری و یاغگن یامغیرلر باعث، منطقه اهالیسی گه حاضرگچه یاردم بیریلمهگن.
زابل حاکمی سوزلاوچیسی نینگ ایتیشیچه، محلی اداره هم کابلدن زیانمندلرگه ییگولیک آذیق-آوقت و باشقه نرسهلر یاردم بیریشی نی سورهگن؛ بیراق حاضرگچه بو ولایت گه یاردم ییتیشمهگن.
شو توغریده…
سوو تاشقینلری مملکت اهالیسی گه کوپلب مالی و جانی زیان ییتکیزگن
غرب زونیده یوز بیرگن سوو تاشقینلریده 12 کیشی هلاک و یوزلرچه اوی بوزیلگن
فاریاب ده سوو تاشقینلری نتیجهسیده اونلرچه اوی بوزیلگن
بامیانده یوز بیرگن سوو تاشقینلری کوپلب مالی زیان ییتکیزگن
کابلده یوز بیرگن سوو تاشقینلریده 10 کیشی هلاک و 7 کیشی یرهلنگن
عین حالده، سوو تاشقینلری و یامغیرلردن زیان کورگن عایلهلرنینگ ایتیشیچه، حاضرگچه هیچ قندهی یاردم قولگه کیریتمهگنلر.
اوشبو عایلهلر حکومت و باشقه یاردم بیرووچی ادارهلردن اولرنینگ وضعیتی گه دقت قیلیب و یاردم بیریشلرینی طلب قیلگنلر.
سونگی سوو تاشقینلری نهفقط زابل اهالیسی، بلکیم قندهار، هلمند، ارزگان، فراه و هرات یشاوچیلریگه هم زیان ییتکیزگن.
