افغانستان بشر حقلرینی سقلش ایرکین کمیسیونی اوتگن عیاللر برابریدهگی زوروانلیک اوتگن ییلدن کوره 21.8فایز آشگنینی ایتهدی.
بشرحقلرینی سقلش ساحوی کمیسیونی کابل، کاپیسا، پنجشیر، لوگر، میدان وردک و غزنی ولایتلرینی کوزهتیب بارهدی. بو کمیسیون عیاللر برابریدهگی زوروانلیک حاللر حقیده ینگی ترقتگن گزارشیده 1395ییلدن کوره 1396ییل ایچیده زوروانلیک حاللری کوپ بولگنی ایتیلگن.
بو گزارشده کیلیشیچه، 1395ییلده ثبت ایتیلگن رقملر 699حال بولگن، بیراق 1396ییلده بو رقملر 895حالگه ییتگنلیگی ایتیلگن. اکثر زوروانلیکلر تیللشمه، کلتکلش، روانی و اقتصادی بولگنی ایتیلماقده.
بشرحقلرینی سقلش ایرکین کمیسیونی بو زوروانلیکلر آشیب باریشیگه سبب، خلقنینگ آگاهسیزلیگی، اقتصادی قینچیلیکلر، بنگی وار مادهلر، تینچسیزلیک و قانون حاکمیتسیزلیگی دیب بیلهدی.
گزارش بیر بولیمیده عیاللر اویدن ایش ییریگه قدر تهدید آستیده بولگنی ایتیلگن.
