.jpg)
هراتده تیموریلر سونگی پادشاهی سلطانحسین بایقرا نینگ قبر تاشی 6 دههدن بویان «قاره یوتل تاشی» آتیگه شهرت تاپگن. اوشبو قبرنی 500 ییل تاریخی قدمتی بار و نیچه دههدن بویان هرات یشاوچیلری عجایب ایشانچ آرقهلی، قاره یوتل کسللرینی درمان تاپیش اوچون بو قبرگه آلیب بارهدیلر.
هرات یشاوچیلریدن بیرقطاری، قاره یوتل کسللیگیگه یولیقگن بالهلرینی بو قبرگه آلیب بارهدی و اوندن سونگ قبر تاشی اوستیده قاتیق توکیب و بالهلریدن اوشبو قاتیقنی ایچیشگه مجبور قیلهدیلر. اولرنینگ ایتیشیچه، بو حرکتدن سونگ، بالهلری درمانلنهدی.
هرات یشاوچیلریدن بیری میلاد قاره یوتل کسللیگیگه یولیقگن کیچیک ایناغهسینی درمان تاپیش اوچون سلطانحسین بایقرا قبریگه آلیب کیلگن. اونینگ ایتیشیچه، اون ییل آلدین اوز هم قاره یوتل کسللیگیگه یولیقگن ایکن، بیراق مذکور قبرگه کیلیب بو حرکتنی انجام بیرگنیدن سونگ، درمان تاپگن.
هرات ولایتی بوییچه معلومات و مدنیت ریاستی مسووللری نینگ ایتیشیچه، اوتگن 6 دهه جریانیده هرات یشاوچیلری سلطانحسین بایقرا قبریگه ایشانچ تاپگنلر و اونینگ بیر بولیمینی سیندیریب قاره یوتل کسللریگه بیرگنلر.
.jpg)
اولرنینگ ایتیشیچه، انهشو سبب، مقبره تاشیدن حفاظت قیلیش اوچون اطرافیده سیم آلگنلر، بیراق مراجعت قیلیووچیلر بو قبر ییقنیده بولگن باشقه بیر تاریخی تاشگه مراجعت قیلهدیلر.
هرات ولایتی بوییچه معلومات و مدنیت ریاستی نینگ مدنیت و هنری بولیمی آمری جاوید ضرغام نینگ ایتیشیچه، سلطانحسین بایقرا قبری تاریخی بیر آثاردیر و باشقه هیچ بیر حکمتی یوق دیر.
عینحالده، هرات ولایتیده دین عالملردن بیری محمدمعصوم خطیبی نینگ ایتیشیچه، تاش درمان قیله آلمهیدی و اوشبو عمل اسلام دینیگه قرشی دیر.
اوشبو دین عالمی، یشاوچیلرنینگ بو تاشگه بولگن ایشانچلرینی خرافات عنوان قیلهدی و اولردن بو عملدن قول تارتیشینی سورهیدی.
هرات ولایتی نینگ قطار دین عالملری، حکومتدن معلومات بیریش برنامهلرنی قولگه آلیش بیلن ناتوغری ایشانچلر و خرافاتلرنی نابود قیلیش اوچون سعی و حرکت قیلیشینی سورهیدیلر.
