.jpg)
خوست یشاوچیلرینینگ سلاموطندارگه ایتیشیچه، خوست مملکتنینگ تینچ ولایتلریدن حسابلنهدی، بیراق پولیس قومندانلیگینینگ بناسی گه بارهدیگن یول، مذکور قومندانلیک تامانیدن باغلنگن و شو یوزه دن اهالی کوپینچه قیینچیلکلرگه روپه رو بولگن.
بو ولایت دکاندارلریدن محمداللهنینگ ایتیشیچه، اونینگ دوکانی پولیس قومندانلیگینینگ یانیده قرار تاپگن و دوکانی گه ییتیشهدیگن یول پولیس تامانیدن باغلنگن و بو ایش اونینگ ایش و کاریگه سلبی تأثیر تشلهگن.
خوست دکاندالریدن باشقه بیریسی نظیرجاننینگ ایتیشیچه، نهایتده اولرنینگ دکانلری بلند مرتبهلی رسمیلر قومندانلیککه بارهدیگن کونلری، خوفسیزلیک تهدیرلر سبب پولیس تامانیدن باغلنهدی.
مدنی فعاللردن نظاممیر منگلنینگ ایتیشیچه، پولیس قومندانلیگی باشقه دولتی ادارهلر کبی شهر یقینیده قرار تاپگن اداری ییرلرده انتقال بیریلیشی کیرهک. اونگه کوره، خوست شهرگه ایمس بلکیم حربی قلعه گه اوخشهب قالگن.
بیراق مذکور ولایت پولیس قومندانی اخترمحمد نورزینینگ ایتیشیچه، مهمانخانهلر و محکمه ادارهسی پولیس قومندانلیگی نینگ بناسی یقینیده قرار تاپگن و مراجعه ایتهدیگنلرنی خوفسیزلیگی تأمین بولیشی اوچون بو یوللرنی باغلنیشی کیرهک.
پولیس قومندانلیگی یانیده شونینگدیک قطار نمایندهلر کینگشی اعضالری، محلی قومندانلر و زورهوانلر بو ولایتده قطار یوللرنی باغلهگن.
