.JPG)
ننگرهار پاکستان بیلن چیگره داش بولگن ولایتلردن بیری دیر، بو ولایت اهالیسینینگ کوپینچهسی شهرده کیلیب کیتیشلر اوچون رکشادن ایش آلهدیلر. بو رکشالر پاکستاندن کیلتیریلیشی سبب مذکور مملکت هنرمندلری نینگ صورتلری و سوزلری بیلن بیزهب یوباریلهدی.
ننگرهار یشاوچیلری پاکستانلیک یازوولر و صورتلرنی افغانستان شهرلریده ترقهتیلیشینی فرهنگی هجوم دیب بیلهدیلر. حتی اولردن کوپیسی، پاکستان بیلن چیگرهداش بولگن افغانستان ولایتلریده فرهنگی نفوذ قیلیشی بیلن تصرف قیلیش نیتیده دیب بیلهدیلر.
کوپلب پاکستانلیک عیال هنرمندلرنینگ صورتلری هم بو ولایتلرده آچیق – ساچیق شکلده ترقهتیلیب کیلیشی مملکت فرهنگیگه قرشی عمل و اسلام بیلن تضاد.
رکشالر هیداوچیلرینینگ ایتیشلریچه، بو تصویرلر پاکستاندن رکشالرگه نقش قیلینیب یوباریلهدی.
.JPG)
هیداوچیلرگه کوره، تیگیشلی ادارهلر بو صورتلرنی پاک قیلیب تشلیدیلر، اما «ینگی صورتلر بیلن ینگی رکشالر کیلتیریلهدی.» اولر دولتنی هم بوبارهده توجه سیزلیککه عیبلیدیلر و دولت ایستهگن زمانده بو رکشالرنی مملکتگه کیلتیریش آلدینی آلیب و شونقه رکشالرنی افغانستانده توزهتیش امکانیتینی یرهتگن صورتده بولر آلدی آلینهدی دیب بیلهدیلر.
ننگرهار مدنیت و بیلدیریش ادارهسی باشلیغی اورنگ صمیم نینگ سلاموطندارگه ایتیشیچه، مذکور وسایطلرنی پاکلش اوچون کمیته تشکیل بیریلگن. جناب صمیم نینگ کوپهیتریشیچه، ایکی مرحلهده بو کمیته صورتلرنی وسایطلردن پاک قیلهدی. بیرینچی مرحلهده هیداوچیلرگه داوطلب شکلیده اوزلری اوزیشگه توصیه بولهدی و ایکینچی مرحلهده تعیینلنگن شخصلر رکشالرده یازیلگن صورتلر و متنلرنی پاک قیلیشگه اولگورهدی.
شونینگدیک ننگرهار مدنیت و بیلدیریش باشلیغیگه کوره، پاکستانلیک هنرمندلر صورتلری قوندیریلگن رکشالر بو مملکتدن افغانستانگه قاچاق شکلده کیلتیریلهدی. اونینگ کوپهیتریشیچه، اهالی هم اوزگه فرهنگلرنی قبول قیلمسلیکلری ضرور و اوزلری بونقه تصویرلرنی وسایطلریدن اوزیب تشلشلری لازم.
