بوگون «سهشنبه» طبیعی حادثهلرگه قرشی کورهش ایشلری بوییچه دولت وزیرلیگی، مملکتده قورغاقچیلیک تأثیرلریگه قرشی کورهش نیتیده اوچ کونلیک ورکشاپ یولگه قویدی.
طبیعی حادثهلرگه قرشی کورهش ایشلری بوییچه دولت وزیری نجیبآقا فهیمنینگ ایتیشیچه، قورغاقچیلیک تأثیرلریگه قرشی کورهش اوچون جدی تدبیر آلینمهگن صورتده، کیلهجک 10 ییلده کابلده سوو تاپیلمهیدی.
بونگه قوشیمچه جناب فهیمنینگ ایتیشیچه، افغانستان جاری ییلده تکرارسیز قورغاقچیلیکنی تجربه قیلهدی.
اوشبو بیاناتلر طبیعی حادثهلرگه قرشی کورهش ایشلری بوییچه دولت وزیرلیگینینگ ولایتی مسؤوللریدن بیرقطاری، ولایتلریده قورغاقچیلیک بیلن اورهشیب تورگن بیرچاغده، بیان ایتیلگن.
طبیعی حادثهلرگه قرشی کورهش ایشلری بوییچه دولت وزیرلیگینینگ ولایتی مسؤوللری میرکلیم زاهدی و عبدالوهاب شیرزادنینگ سلاموطندارگه ایتیشیچه، ایکینچیلر قورغاقچیلیککه روپهره بولگن و دولت اولرگه یاردم بیریشی کیرهک.
بوندن آلدین هم قطار ولایتلرده اهالی قورغاقچیلیک باعث، حیوانلرینی کوپ ارزان ساتیشلری توغریسیده گزارشلر ترقهتیلگن ایدی.
