بلخ ولایتی نینگ شولگره تومنیده 5 و 6 یاشیده بولگن ایکی بالهسی قوراللی کیشیلر آرقهلی اولدیریلگن ایرکک حکومتدن عدالت سورهیدی.
اوشبو کیشی نینگ ادعا قیلیشیچه، قوراللی کیشیلر ایکی بالهسینی اولدیرگن و عایلهسی نینگ باشقه ایکی اعضاسینی یرهلنتیرگن. بو حادثه اوتگن سهشنبه کونی 27- جوزا بلخ ولایتی شولگره تومنی نینگ «تاجیگیلهتن» قیشلاغیده یوزبیرگن.
مذکور بالهلرنینگ آتهسی عبدالواحد بو حادثهده یرهلنگن و دارولش اوچون مزارشریف شهریده انتقال بیریلگن. اونینگ ایتیشیچه، تورموش اورتاغی و اوچ بالهسی بیلن شولگره تومنیدهگی بیر ساغلیک مرکزیدن اویی تامان کیتهدیگن بیر چاغده «ستار قومندان عسکری جمعه» ناملی بیر قوراللی کیشی اولرنینگ اوستیگه اوق آتگن.
مذکور ایرکک بو حادثهده ایکی بالهسینی قولدن بیرگن. اونگه کوره، اوشبو قوراللی کیشیلر قطار محلی رسمیلر آرقهلی حمایت بولهدی.
او، حادثه عامللری قولگه آلینیشی حقیده بلخ محلی و امنیتی مسئوللری نی توجهسیزلیککه عیبلهیدی.
عین حالده عبدالواحد نینگ ادعا قیلیشیچه، شونینگدیک مذکور قورالیلر کمیده ایکی آی آلدین عایلهسی نینگ باشقه ایکی اعضاسینی اولدیرگن ایکن.
بو توغریده ستار نینگ فکرینی آلیش اوچون سعی و حرکت قیلدیک بیراق موفق بولمهدیک.
بیراق بلخ حاکمی سوزلاوچیسی منیراحمد فرهاد نینگ ایتیشیچه، مذکور حادثه جدی شکلده تیکشیریلهدی.
مذکور عایله حکومتدن عدالت سورهب ایتیشیچه، حادثه عامللری نینگ جزالنتیریلیشی نی کوتیب تورهدیلر. اولرنینگ اورغولشیچه، حکومت حادثه عامللرینی اوشلب آلمهی و بو حقده توجهسیزلیک قیلگن صورتده، شخصی انتقام آلیش گه قول اوریشلری ممکن.
