بوگون «یکشنبه» کابلده «شهر بوییچه جنایی جرملر وضعیتی تحلیل قیلینیشی» نامیده یولگه قوییلگن ایکی کونلیک ییغینده ایچکی ایشلر وزیرلیگی سرپرستی مسعود اندرابی نینگ ایتیشیچه، اوشبو وزیرلیک جنایی جرملرگه قرشی کورهش استراتیژینی اوزگرتیرگن و بو استراتیژینی بیرینچی باسقیچی جنایتچیلر و جنایتچی ترماقلرنی تانیش دیر.
جناب اندرابی گه کوره، بو استراتیژی جنایی جرملرنی کمهیتیرهدی و شونینگدیک، شهرده جنایتچیلر ایرکین شکلده یوریشی گه توسیق بولهدی.
ایچکی ایشلر وزیرلیگی سرپرستی نینگ کوپهیتیریشیچه، اوشبو استراتیژی اساسیده، جنایتچی ترماقلر بیلن جنایتچیلرنینگ علاقهسی نظارت قیلینهدی و اوشبو استراتیژی اساسیده، اوتگن بیر هفته جریانیده کابل شهریده 21 جنایتچی قولگه آلینگن.
اونینگ ایتیشیچه، جنایتچی ترماقلر و جنایتچیلرگه قرشی کورهش خصوصیده، امنیتی ادارهلرنینگ آرهسیده اویغونلیک وجودگه کیلگن و عملی ایشلر هم باشلنگن.
جناب اندرابی، کابل یشاوچیلریدن جنایی جرملرگه قرشی کورهش خصوصیده یاردم بیریشلرینی طلب قیلیب اورغولشیچه، ینگی استراتیژی عمل گه آشیریلگن صورتده، جنایتچیلرنینگ فعالیتی کمهییشی ممکن.
