کابلدهگی تقاعدلی کیشیلردن بیرقطاری، نیچه آیدن بویان، تقاعد حقوقینی قولگه کیریتمهگنلر.
تقاعدلی کیشیلرنینگ ایتیشیچه، تقاعد پولینی قولگه کیریتیش اوچون نیچه مرته تقاعد ریاستی، مالیه وزیرلیگی و اسلامی بانککه مراجعت قیلگنلر؛ بیراق حقوقلری حاضرگچه توللنمهگن.
شریف، آتهسینینگ تقاعد پولینی آرقهسیدن یورگنلریدن بیری دیر. اونینگ سلاموطندارگه ایتیشیچه، اسد آییدن بویان تقاعد ریاستی، مالیه وزیرلیگی و بانک آرهسیده آتهسینینگ تقاعد پولینی آلیش اوچون سرگردان بولیب یورگن؛ بیراق حاضرگهقدر آتهسینینگ تقاعد پولینی قولگه کیریتمهگن.
اونینگ ایتیشیچه، تقاعد ریاستی گه بارگنده، ریاست تقاعد پولی آتهسینینگ حسابی گه یوباریلگنینی ایتهدی؛ بیراق بانککه بارگن چاغیده، بانک مسؤوللری، پول کیلمهگنینی ایتهدیلر.
عین حالده، مالیه وزیرلیگینی سوزلاوچیسی شمعروزخان مسجدینینگ ایتیشیچه، مالیه وزیرلیگی و اجتماعی ایشلر، ناگرانلر و شهیدلر وزیرلیگی آرهسیدهگی کیلیشوو اساسیده، اوتگن مالی ییلده برچه تقاعدلیلر بایومتریک بولیشی کیرهک ایدی؛ بیراق بو جریان یکونلنمهگن. شو یوزهدن مالیه وزیرلیگی پولنی اجتماعی ایشلر وزیرلیگی گه بیرگن.
شو توغریده…
ایچکی ایشلر وزیرلیگینینگ تقاعد بولگن افسرلری آیلرچه حقوق کوتهدیلر
تقاعدگه چیققنلر: بیر ییلدن بیری آیلیک آلمهگنلر
تقاعد یاشیگه اساسلنیب دولت باش قارهلاوچیلیک ایشلاوچیلری ایشدن بوشهتیلهدی
اونگه کوره، ینگی مالی ییلده بایومتریک بولگن برچه تقاعدلیلر پوللرینی قولگه کیریتهدیلر.
بو گزارشده اجتماعی ایشلر، ناگرانلر و شهیدلر وزیرلیگینینگ فکرینی اورگهنیش اوچون علاقه قوردیک؛ بیراق کیین مه کیین سعی و حرکت نتیجهسیده مؤفق بولمهدیک.
