شهری موترلرنینگ آلدینگی چوکیسیده ایکی کیشی اولتیرغیزماق ناتوغریلیگی توغریسیده، کابل شهردارلیگی تامانیدن صادر ایتیلگن قانوندن کمیده بیر آی اوتماقده، لیکن اوشبو قانون حاضرگچه تطبیق ایتیلمهگن.
شو توغریده کابل یشاوچیلریدن بیرقطارینینگ ایتیشیچه، شهردارلیک جوده هم کوچسیز عمل قیلگن و شونینگدیک، هیداوچیلر ترافیکنی نظرگه آلمهی و موترلرینی آلدینگی چوکیسیده ایکی کیشی اولتیرغیزهدی.
بو توغریده یشاوچیلرنینگ یانیده خواطر بیلدیرهدیگن هیداوچیلر هم موجود. اولرنینگ ایشانچی گه کوره، آلدینگی چوکیده ایکی کیشینینگ اولتیریشی ترافیکی حادثه یوز بیریشی گه سبب بولیشی ممکن.
عین حالده، کابل شهردارلیگی سوزلاوچیسی جلیل سلطانینینگ ایتیشیچه، کابل ترافیکی کونده دواملی شکلده کابل شهرینینگ ایریم بولیملرینی نظارت قیلیب و لایحه گه قرشی عمل قیلگن هیداوچیلرنینگ جریمه قیلهدی، بیراق بو لایحه بوتونلهی عملی بولیشی گه زمان کیرهک.
جناب سلطانی، هیداوچیلرنینگ قانون سیزلیگینی تیکشیریش اوچون 35 ینگی ایشلاوچی جذب ایتیلیشیدن خبر بیرهدی و اونینگ امید بیلدیریشیچه، اوشبو ایشلاوچیلر جذب ایتیلگن صورتده، کابل ترافیکی سونگی لایحهنی عملگه آشیریشده کوپراق قادر بولهدی.
