بدخشان ولایتیده ساغلیقنی سقلش ریاست مسؤوللری و ولایتی کینگش اعضالری نینگ ایتیشیچه، مذکور ولایت نینگ قطار تومنلریده طالبان گروهی بالهلرنی ایملش دستوری تطبیق ایتیلیشی گه توسیق بولگن.
سلاموطندارگه صحبت بیرگن بدخشان ساغلیقنی سقلش ریاست باشلیغی داکتر نور خاوری نینگ ایتیشیچه، اوشبو ولایتده کوپلب چیتایللیک عصیانچیلر فعالیت قیلهدی و شولر بالهلرنی ایملش دستوری تطبیق ایتیلیشی گه توسیق بولگن.
اونگه کوره، اوشبو ولایتده بالهلرنی ایملش دستوری تطبیق ایتیلیشینی سابق دورهلریده، 6 مینگ باله ایملش دستوریدن قالگن ایکن و حاضر هم مذکور بالهلر ایملش دستوریدن قالگنلر.
بدخشان ولایتیده ساغلیقنی سقلش ریاست باشلیغی نینگ ایتیشیچه، اوشبو ولایت نینگ ایریم بولیملریده چیتایللیک عصیانچیلرنینگ کیلیب و کیتیشلری ناگرانلیک کسللیکلری کوپهییشی گه سبب بولهدی و بو وضعیت دوامی مذکور ریاست نینگ بالهلرنی ایملش دستوری تطبیق ایتیلیشی خصوصیده بولگن برنامهلرینی قیینچیلیککه روپهره قیلگن.
بدخشان ولایتی نینگ کوهستان تومنی ولسوالی غلامالله سیدنینگ ایتیشیچه، طالبان گروهی نینگ نظارتی ده بولگن منطقهلرده نیچه ییلدن بویان بالهلرنی ایملش دستوری تطبیق ایتیلمهگن.
شونینگدیک، بدخشان ولایت کینگشی باشلیغی بشیر صمیم، طالبان گروهی نینگ نظارتی ده بولگن منطقهلر اینیقسه کوهستان و راغستان تومنلریده بالهلرنی ایملش دستوری تطبیق ایتیلمهگنیدن خواطر بیلدیرگن.
بالهلرنی ایملش دستورینی کوکلملی برنامهسی کمیده ایکی هفته آلدین ساغلیقنی سقلش وزیرلیگی تامانیدن باشلندی.
ساغلیقنی سقلش وزیرلیگی تامانیدن بیریلگن رقملر اساسیده، جاری ییل باشلنگنیدن بویان قندهار ده ایکی ایجابی ناگرانلیک واقعه و ارزگان ولایتیده بیر ایجابی ناگرانلیک واقعه رویخطگه آلینگن.
