فاریاب ولایتیده محلی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، اوشبو ولایت نینگ تومنلریده کرونا ویروسیگه قرشی کورهشیش خصوصیده هیچقندهی سعی و حرکت صورت تاپمهگن.
منبعگه کوره، فاریاب ولایتی بوییچه کرونا ویروسیگه قرشی کورهش تیمی، بو ولایت نینگ تومنلریده 250 افغانی ارزشی بولگن نیچه بوشکه سوو و 50 افغانی ارزشی بولگن مایع یوبارگن.
فاریاب ولایتی کینگش اعضاسی عبدالاحد ایلبیگ نینگ ایتیشیچه، اوشبو ولایتیده کرونا ویروسیگه چلینگن بیرینچی واقعه دولتآباد تومنیدن رویخط گه آلینگن، بیراق حاضرگهقدر مذکور تومنده هیچقندهی تجهیزات یوباریلگن ایمس.
شونینگدیک، فاریاب ولایتی کینگش اورین باسری صبغتالله سیلاب نینگ ایتیشیچه، ایراندن کیلگن مهاجرلردن کوپ قطاری فاریاب نینگ تومنلریده حیات کیچیرهدیلر، بیراق حاضرگهقدر تومنلرده بولگن ساغلیک مرکزلرده کرونا ویروسیگه قرشی کورهشیش خصوصیده بیر قالقابی یا-ده ماسک یوباریلمهگن.
عینحالده، فاریاب حاکمی نقیبالله فایق نینگ سلاموطندارگه ایتیشیچه، اوشبو ولایت نینگ تومنلریدن بیرقطاری دارولنگن.
فاریاب حاکمی نینگ کوپهیتیریشیچه، کرونا ویروسیگه قرشی کورهشیش اوچون اجرهتیلگن بودجه ینگیلیکده ولایت نینگ بانکی حسابیگه انتقال بیریلگن و کیلهسی 48 ساعت جریانیده فاریاب ولایتی نینگ بوتون تومنلریده کرونا ویروسیگه قرشی کورهشیش اوچون تجهیزات یوباریلهدی.
ایتیلیشیچه، افغانستان حکومتی فاریاب ولایتیده کرونا ویروسیگه قرشی کورهشیش خصوصیده 50 میلیون افغانی اختصاص بیرگن.
