ساغلیقنی سقلش وزیری فیروزالدین فیروزنینگ ایتیشیچه، کرونا ویروسیگه قرشی کورهشیش اوچون بیرمیلیون محافظتی کیت و 54 میلیون لیتر ضدعفونی سویوقلیگیگه احتیاجلری بار و اونینگ چیتایللیک مملکتلردن تیارلش ناممکن دیر.
بوگون "پنجشنبه" کابلده خبری بیرییغینده صحبت اوتکزگن ساغلیقنی سقلش وزیری فیروزالدین فیروز نینگ ایتیشیچه، اولر افغانستانده محافظتی کیت تولید قیلهدیگن بیر ایشخانه ایجاد قیلیش اوچون سعی و حرکت قیلهدیلر.
ساغلیقنی سقلش وزیریگه کوره، مذکور ایشخانه نینگ ایجاد قیلیش ایشی کیلهسی 3 کونگچه باشلنهدی و هر کونده 10 مینگ جوره چپن و ماسک تولید قیلیشی ممکن. تولید قیلینگن لوازملر دکترلر و کرونا ویروسیگه چلینگنلربیلن تماسگه بولگن کیشیلرنینگ اختیاریگه قویلهدی.
ساغلیقنی سقلش وزیری نینگ ایتیشیچه، ضدعفونی سویوقلیگینی تولید قیلهدیگن ایشخانه نینگ ایجاد ایتیلیش ایشی هم تیزلیککه باشلنهدی.
عینحالده، تکنالوژی و مخابرات وزیرلیگی مسووللری، ساغلیقنی سقلش وزیرلیگی نینگ هماهنگلیگی بیلن کرونا ویروسی خصوصیده معلومات بیرهدیگن «کرونا آسان» نامیده بیر سایت ایجاد ایتیلگنیدن خبر بیرگنلر.
مخابرات و تکنالوژی وزیرلیگی نینگ سرپرستی فهیم هاشمی نینگ ایتیشیچه، مملکتده کرونا ویروسیگه چلینگنلرنینگ معلوماتی، منطقهلر اساسیگه اوشبو سایت ده کیریتیلهدی و اهالی اوشبو ویروس نینگ یوریشینی تشخیص قیلهدی.
