افغانستان شفافیتنی کوزهتوچی تشکیلاتینینگ ایتیشیچه، امنیتی نهادلر ییریک خطرلی فساد باتلاقیده باتگن.
اوشبونهاد باشلیغی اکرام افضلی نینگ کابلده بیر خبری انجمن آلیب، مملکت پولیس کوچلریدن 50 گه یقین فایزی خیالی بولگن، ایشگه آلیشلر رابطهلر یوزهسیدن بولهدی و شایستهلیک نظرده توتیلمسلیگینی بیلدیرگن.
جناب افضلی نینگ معلوم قیلیشیچه، حکومت وارسا اولتیریشیده تدارکاتی یوتوقلر، قاضیلر و سارانواللرنی ایشدن آلیش و ینگی ایشگه آلیشلردن صحبت قیلیشی ممکن؛ اما بوندن اضافه ایتهدیگن گپی بولیشی ممکن ایمس.
اونگه کوره، فسادگه قرشی نیچه کون مبارزه قیلیش بیلن ییریک یوتوقلرگه قول تاپیش ممکن ایمس.
پولند باشکینتی وارسا، جولای آیی نینگ 8 و 9 – کونلریده افغانستان اوچون ناتو باشلیغلری میزبانی بولهدی. مذکور اولتیریشده ناتونینگ 2018 دن 2020 گه قدر حربی یاردملیکلری بارهسیده بحث قیلینهدی.
شفافیتنی کوزهتوچی تشکیلات باشلیغی حکومتدن وارسا اولتیریشیده انیق لایحهلر ترتیب قیلیب و اوندن کیین عملده ایشگه کیریش بیلن حرکت قیلیشینی ایستهیدی.
جناب افضلی امنیتی ادارهلرده رازلر سقلنمهگنلیگی بارهسیده مذکور نهادلر باشلیغلریدن اینیق برنامهلر ایجاد ایتیشی بیلن اهالیگه حساب بیریشگه حاضر بولسینلر و رابطهلر یوزهسیدن ترفیعات بیرگن شخصلر بارهسیده دوباره تیکشیریلسین دیدی.
شو بیلن بیرگه ایچکی ایشلر وزیرلیگی سوزلاوچیسی صدیق صدیقی نینگ ایتیشیچه، امنیتی نهادلرده فساد بارلیگیدن انکار قیلیب بولمهیدی؛ اما فسادگه قرشی کورهشیش مذکور وزیرلیک بیرینچی ایشلریدن بولگن و بو توغریده یوتوقلرگه هم قول تاپگنلر.
