یشش محیط هفتهسی بوگون ایکینچیلیک و سوولنتیریش وزیرلیگی مسووللری طرفیدن نشانلندی. وزیرلیک رسمیلری کولحشمتخان منطقهسینی ملی پارک و دایم سقلهنیوچی بیر منطقه اعلان قیلگنلر. مسووللرنینگ ایتیشیچه، اوشبو منطقه تاریخی بیر ییر صفتیده جدی شکلده سقلنهدی دیگنلر.
ایکینچیلیک و سوولنتیریش وزیرلیگی نینگ سوزلاوچیسی لطفالله راشد، کول حشمتخان مخصوص اهمیت اینیقسه هر قندهی قوش قالهویرسه مهاجر ویاوایی حیوانلرگه بای بیر ییر. یاوایی حیوانلر و قوشلردن نسل آلیش اوچون مخصوص اهمیتگه ایگه بولگنی سبب بو منطقهنی ملی پارک دیب اعلان قیلدیک دیگن راشد.
جناب راشدگه کوره، هنوزگچه 40 هکتار ییر کول حشمتخان منطقهسیده زورانلر تامانیدن تارتیب آلینگن. لیکن، منطقهدهگی ییرلر بوندن بویان تارتیب آلینمس لیگی اوچون جدی سعی وحرکت بار دیگن او.
ایکینچیلیک و سوولنتیریش وزیرلیگینینگ مسووللری، بوندن آلدینگی ییللر جریانیده بدخشان نینگ واخان، بندامیر و درهشاخ فولادی بامیان کبی منطقهلر هم ملی پارک دیب ناب بیریلگن ایدی دیگنلر.
