ساغلیک وزیرلیگی نینگ معلوماتی اساسیده، اوتگن 24 ساعتده مملکتده کرونا ویروسی گه شبههلی 1 مینگو 65 واقعه تیکشیریلگن کیم، بولردن 17 ولایتده 556 تهسی ایجابی انیقلنگن.
مذکور ینگی واقعهلر قید ایتیلیشی بیلن مملکتده کرونا ویروسی گه چلینگنلر رقمی 24 مینگ و 102 کیشی گه ییتیشگن.
اوتگن بیر کیچه-کوندوز ده 253 کیشی کابل، 23 کیشی قندهار، 74 کیشی بلخ، 43 کیشی ننگرهار، 28 کیشی تخار، 8 کیشی غزنی، 22 کیشی بغلان، 8 کیشی نیمروز، 12 کیشی لوگر، 23 کیشی بامیان، 20 کیشی وردک، 3 کیشی لغمان 17 کیشی کنر، 5 کیشی هلمند، 9 کیشی زابل، 6 کیشی دایکندی و باشقه 2 کیشی ایسه ارزگان ده کرونا ویروس گه چلینگن.
ساغلیک وزیرلیگی ننیگ معلوماتی گه کوره، اوتگن بیر کیچه – کوندوز ده کرونا ویروسی گه چلینگن 5 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 451 کیشی گه ییتیشگن. شونینگدیک اوتگن 24 ساعتده کرونا گه چلینگن 273 کیشی دارولنگن کیم بو رقم بیلن دارولنگنلر سانی 4 مینگ و 201 کیشی گه ییتیشگن.
دنیا ده حاضرگچه 7 میلیون و 732 مینگدن آرتیق کیشی کرونا ویروس گه چلینگن کیم بولردن، 4 یوز و 28 مینگدن آرتیغی جان بیرگن و باشقه 3 میلیون و 956 مینگدن آرتیغی دارولنگن.
