اوتگن کیچه عرب بیرلشیک اماراتیده رقیبلری برابریده افغانستان سپورتچیلریدن بازمحمد مبارز و احمدولی هوتک غلبه قازانگنلریدن سونگ، باشکینت یشاوچیلریدن بیرقطاری، اوشبو یوتوقنی اوق آتیشلر بیلن بیرهم توتگن، دیمک افغانستانده یوتوقنی اوق بیلن قرشیلش ینگی نرسه ایمس.
بو گزارشده مسئلهنی اجتماعی و روانشناسلیک نقطهی نظردن تیکشیریشنی ایستهدیک و شو یوزهدن ایکی روانشناس و جامعه شناس بیلن صحت اوتکزدیک.
مملکت روانشناسلریدن بیری شفیق بهروزیاننینگ ایشانچیگه کوره، خرسندچیلیکنی اوق آتیشلر بیلن نشانلش تویغوسی هر نرسهدن آلدین، بالهلیک دورانیگه باریب تاقیلهدی. شو یوزهدن زورهوانلیک و قدرت کورسهتیش اوشبو مدنیت رواجلنیشیگه اساسی رول اوینهیدی.
جناب بهروزیاننینگ کوپهیتیریشیچه، تیزلیکده اهالی آلدینی آلیش حکومتنینگ مسؤولیتلریدن بیری دیر و بونگه قوشیمچه، مدنیت اوزگریشی اوچون اوزاق مدتلی سعی و حرکتلر قولگه آلینیشی لازم.
جامعه شناس راضیه دانشنینگ ایتیشیچه، قیشلاقلردن شهرگه اهالی مهاجرتی باعث، زورهوانلیک مدنیتی ینه بیر بار شهرده نمایان بولگن.
بوندن باشقه، خانم دانشنینگ ایشانچی گه کوره، امیدسیزلیک و اونی رفع قیلیش اوچون قورالگه قول سالیش عامللردن باشقه بیری دیر؛ چونکه عراق و زیمبابو دن سونگ، افغانستان دنیا مملکتلری آرهسیده قیغو و اَلم گه باتگن مملکتلردن بیری دیر و یشاوچیلرنینگ قیغو و المی زورهوانلیک کینگهییشیگه سبب بولهدی.
اوتگن کیچه خرسندچیلیک اوچون آتیلگن اوقلر، اهالی آرهسیده خواطر و قورقینچ ایجاد ایتیشیگه قوشیمچه، قربانلیک هم آلگن، بیراق امنیتی رسمیلر، اوتمیشلر کبی واقعه عامللری قولگه آلینیب و جزالنیشی توغریسیده سوز یوریتهدی.
