ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده مملکت 7 ولایتیده کرونا ویروسیگه چلینگن 50 ایجابی واقعه رویخط گه آلینگن.
بوگون "پنجشنبه" ساغلیقنی سقلش وزیری فیروزالدین فیروز نینگ خبری بیر ییغینده ایتیشیچه، اوتگن 24 ساعت جریانیده 6 واقعه کابل، 21 واقعه هرات، 15 واقعه قندوز، 4 واقعه لوگر، 2 واقعه پنجشیر، 1 واقعه جوزجان و باشقه بیر واقعه تخار ولایتیده رویخط گه آلینگن.
ساغلیقنی سقلش وزیریگه کوره، حاضرگهقدر مملکت 32 ولایتیده 1226 کیشی کرونا یروسیگه چلینگن.
جناب فیروزنینگ ایتیشیچه، اوتگن ایکی کیچه و کندوز ده کرونا ویروسیگه چلینگنلردن هیچبیری دنیا دن اوتگن ایمس.
ساغلیقنی سقلش وزیرلیگی تامانیدن بیریلگن ارقاملرگه کوره، حاضرگهقدر کرونا ویروسیگه چلینگن 177 کیشی درمانلنگن.
حاضرده کابل ولایتیده کرونا ویروسیگه چلینگن 419 کیشی رویخط گه آلینگن و کابل دن سونگ، هرات ولایتی 358 ایجابی واقعه، قندهار ولایتی 130 ایجابی واقعه بیلن ایکینچی و اوچینچی اورینگه قرار تاپگن.
