بوگون «شنبه» بلخ ولایتیده برقرارلیک و یقینلیک سیلاو تیمی نینگ طرفدارلریدن یوزلرچهسی جمهورلیک ریاست سیلاویده ساختهکارلیک یوز بیرگن ادعاسینی قیلیب ناراضیلیک بیلدیریشگن.
اعتراضچیلرنینگ ایتیشیچه، سیلاو ایرکین کمیسیونی یراقلی آوازلرنی یراقسیز آوازلردن اجرهتیب و 300 مینگ بایومتریکسیز آوازنی بیکار اعلان قیلیشی کیرهک.
اوشبو اعتراضچیلرنینگ آگاهلنتیریشیچه، کیمسه گه ساختهکارلیک یولیدن جمهورلیک ریاست مقامی گه ایریشیش توغریسیده رخصت بیریشمهیدی.
بلخ ولایتیده اعتراضچیلرنی رهبرلیک قیلگن اجراییه ریاستینی ایکینچی اورین باسری محمد محقق نینگ ایتیشیچه، یراقلی آوازلر یراقسیز آوازلردن اجرهتیلگونگهقدر، سیلاو نتیجهسینی اولر قبول قیلمهیدی.
برقرارلیک و یقینلیک سیلاو تیمی نینگ طرفدارلری ناراضیلیک بیلدیرگن بیرچاغده، اوتگن کیچه جمهورلیک ریاست سیلاوی نینگ نامزدی و ملی بیرلیک حکومت اجراییه باشلیغی عبدالله عبدالله، طرفدارلریدن 7 ولایتده آوازلر قیته سنهلیشی توغریسیده سیلاو ایرکین کمیسیونی گه رخصت بیریشلرینی طلب قیلدی.
