غور ولایتیده جادهلر بوزیقلیگیدن تنقید قیلگن مذکور ولایت مدنی فعاللریدن بیرقطارینینگ ایتیشیچه، غور ولایتیگه مرکزی حکومتنینگ دقت سیزلیگی سبب، بو ولایتده سونگی نیچه ییلده هیچ بیر جاده قیر بولمهگن. اوشبو مدنی فعاللرگه کوره، غور ولایتیده قیر قیلینگن بوتون جادهلر 12 کیلومترگه ییتیشهدی و بو جاده کمیده 7 ییل آلدین، (پیآرتی) ولایتنی قیته قوریش تیمی و ایریم چیت ایللیک ایلچیخانهلر فیروزکوه شهریده قیر قیلگن ایدی و بو جاده حاضر ویران بولماقده.
سلاموطندارگه صحبت بیرگن غور مدنی فعاللریدن ایکی کیشی یارمحمد یاور و غلامرسول مبیننینگ ایتیشیچه، مرکزی حکومت قوشیمچه، محلی حکومت و اینیقسه غور ولایتینینگ شهردارلیک ادارهسی مذکور ولایتنی جادهلریگه دقت قیلمهگن.
فیروزکوه شهرداری محمدعارف قاضیزاده، غور ولایتینینگ مدنی فعاللری و باشقه یشاوچیلرینینگ ناراضیلیکلرینی تَن آلگن؛ عین حالده اونینگ ایتیشیچه، امکانات کملیگی باعث، حاضرگهقدر مذکور ولایتده بوزیلگن جادهلر قیته قوریلیشی و ینگی جادهلرگه قیر توکیلیشی اوچون زمینه یرهتیلمهگن، بیراق تیزلیکده مذکور ولایتنینگ شهردارلیک ادارهسی جادهلر قیته قوریلیشی اوچون عصری اسکونهلر قولگه کیریتهدی.
شونینگدیک، غور حاکمینینگ سوزلاوچیسی عبدالحی خطیبی، مذکور ولایتده جادهلر قوریلیشی توغریسیده کته بیر ایش قیلینمهگنینی قبول قیلهدی.
غور ولایتیده حکومت مسؤوللری و مدنی فعاللرگه کوره، اوشبو ولایتده موجود بولگن جادهلرنی بیرقطاریدن یامغیر و قار یاغگن چاغیده، هیچ فایدهلنیب بولمهیدی و شو یوزهدن مذکور ولایت اهالیسینینگ تنقیدلریگه سبب بولگن.
