.jpg)
کونلردن بیریده یولی خواطرلی دیگن شهرگه تامان یول آلدیم؛ ایتیلیشیچه، بو یولده کوپینچه یاشلر طالبلر و اوشبو گروه تامانیدن یولده ییرلشتیریلگن ماینلر پارتلشی نتیجهسیده قربان بولگنلر. دیورند چیگرهسیگه یقین شهر کنر ولایتینینگ دانگام تومنی تامان یول آلدیم.
اوشبو تومنده ینگی قوریلگن بِنالر کورینهدی، بیراق یوقاری صفت گه ایگه ایمس دیر و یولی ایسه پارتلشلردن حکایت قیلهدی. شهرگه کیرگنینگیزده کوزینگیز اطرافدهگی قالین اورمان گه توشهدی.
یولدن اوتهیاتگن چاغیمده کوزیم ایکینچیلیک و چارواچیلیک بیلن مشغول بولگن کیشیلرگه توشدی. بو سفرده اولردن بیرقطاری بیلن اولتیریب و صحبت قیلیشگه فرص بولدی. اوشبو کیشیلرنینگ ایتیشیچه، اوتگن بیر یریم دهه ده کوپلب مالی و جانی زیانلر کورگنلر، بیراق حکومت اولرگه هیچ قندهی دقت قیلمهگن.
اولردن بیرینینگ اورگهتیش و تربیهلش اهمیتی توغریسیده ایتیشیچه، ییللرچه محرومیتدن سونگ، حاضر ترقیات و آبادانچیلیک اورگهتیش و تربیهلشگه باغلیق بولگنینی توشونگنلر.
دانگام تومنی ولایت مرکزیدن اوزاق دیر و مذکور تومن یشاوچیلریگه کوره، پوللر تالان قیلینیشی باعث، یشاوچیلیک شرطنامهلری ایش بیرمهیدی.
دانگام تومنینینگ جمعیتی 75 مینگ کیشی گه ییتیشهدی و بو تومنده یالغیز بیر کسلخانه و تورت ساغلیقنی سقلش مرکز موجود و بو مرکزلرگه قول تاپیش قولی ایمس دیر.
.jpg)
دانگام تومنی یشاوچیلریدن بیری محمدحنیفنینگ ایتیشیچه، اورته اقتصادگه ایگه بولگن کیشیلرنی هم حکومت اونچهلیک نظرگه آلمهیدی.
کنر معارف ریاستی معلوماتی گه کوره، مذکور ولایتده اوچ لیسه شامل 23 مکتب موجود دیر و لیسهلردن ایکی تهسی ایرککلر و باشقه بیری ایسه قیزلرگه تیگیشلی دیر. بو تومن قیزلر 7- صنف گهقدر تعلیمات کورهدیلر.
مذکور مکتبلرگه 4992 قیز و ایرکک تعلیمات کوریش بیلن مصروف دیر و بو مکتبلرنینگ بناسی یوق اوقووچیلر ساوق و ایسیق هوا ده تعلیمات کورهدیلر.
دانگام تومنیده آغاچنینگ قاچاق ایتیلیشی اساسی قیینچیلیکلردن بیری دیر و حکومت اوشبو قیینچیلیکنی حل قیلیشگه موفق بولمهگن.
باشقه بیر تاماندن دانگام تومنینینگ بیر بولیمی استراتیژیک و دیورند چیزیغیگه ییقین بولگنی باعث، طالبلر کنترولیگه دیر و اوشبو تومن یشاوچیلری 6 ییل آلدین طالبلرنی بو تومندن چیقاریش اوچون قیام قیلگن ایدیلر.
بو تومنده امنیتی پوستهلر قوریلگنی و دواملی عملیات یولگه قویلگنیدن سونگ امنیتی وضعیتی یخشیلنیب و اوشبو تومن یشاوچیلری اوچ آیدن بویان تینچ فضاده حیات کیچیرهدیلر.
حربی عملیات یولگه قوییلیشی و امنیتی کوچلرنینگ گزمه قیلیشی اهالینی خوفسیزلیکیلری تامین ایتیلیشی خصوصیده امیدوار قیلگن.
بو سفرده محلی پولیس قومندانی بیزلر بیلن یولداش ایدی. او بو سفرده ینگی قوریلگن بیر نیچه خوفسیزلیک پوستهنی کوریب و قطار حربیلرنی ایشلریگه دقت ایتیشلری خصوصیده بیر قنچه پول و تقدیرنامه بیلن توصیفلهدی.
شونینگدیک محلی حکومتنینگ ایتیشیچه، اهالینینگ حیاتی یخشی بولیشی اوچون بو تومنده قطار پروژهلرنی عملگه آشیرگن.
.jpg)
کنر حاکمی سوزلاوچیسی گل محمد بیدارنینگ ایتیشیچه، اوشبو تومن کوپ قیینچیلیکلر بیلن روپهرو دیر. بیراق اولر مذکور قیینچیلیکلرنی ییچیش اوچون حرکت قیلهدیلر.
دانگام تومنینینگ دیورند چیگرهسیده یقینلیگی باعث، اوشبو تومن اوتگن بیر دهه ایچیده پاکستان حربیلرینینگ کوپینچه موشکلری گه دوچ کیلگن.
مذکور تومن یشاوچیلری حکومتدن ناراض بولیب ایتیشلریچه، پاکستان حربیلرینینگ موشکی باعث کوپینچه مالی و جانی زیان کورگنلر. بیراق حکومت بو توغریده هیچ قندی توجه قیلمهگن.
بو تومن اهالیسی کون نی موشکنینگ سیسی بیلن باشلهب و آقشاملر مذکور موشکلر بیلن حیاتلری اورتهدن کیتیش خواطری بیلن اویقو گه کیتهدیلر.
