قطرده افغانستان تینچلیک سوزلشوولری ایسیقلنگن بیر چاغده، «تینچلیک اوچون دادخواهلیک» گروهی افغانستان تینچلیگی بوییچه آمریکا خاص نمایندهسی زلمی خلیلزاد گه بیر نامه یوبارگن.
اوشبو گروه اوز نامهسیده، تینچلیک جریانیده 18 ییللیک یوتوقلر قربان بولیشی و شبه طالبانی حکومت ایجاد ایتیلیشی توغریسیده خواطر بیلدیرگن.
تینچلیک اوچون دادخواهلیک گروهینینگ ایتیشیچه، تینچلیک سوزلشوولری جریانیده سیاسی و حربی تیز رویکردلر 18 ییللیک یوتوقلرنی خوف بیلن روپهرو قیلیشی ممکن.
اوشبو گروه زلمی خلیلزاددن تینچلیک سوزلشوولری جریانیده، یالغیز سیاسی و مدنی گروهلر بیلن اوچرهش گه اکتفا قیلمهی و فکر آلیش دایرهسی نینگ کینگهیتیریشی نی سورهگنلر.
تینچلیک اوچون دادخواهلیک گروهینینگ کوپهیتیریشیچه، تینچلیک سوزلشوولری آلغه کیتییب و چیتایللیک کوچلرینینگ چیقیشی توغریسیده کیلیشیلگن بیر حالده، تشقی مملکتلرگه تیگیشلی ترورچیلر و فاسد سیاستچیلر موقت حکومتی آستیده اورته گه چیقیشی ممکن.
مذکور گروهنینگ ادعا قیلیشیچه، تینچلیک سوزلشوولریده انیقلیک و شفافلیک بولمهگنی اهالی نینگ کتته بیر بولیمی اینیقسه ییگیتلرنینگ نظرگه آلینمسلیک معناسینی بیرهدی.
