حادثه مرکزی بغلان تومنی لقیههای قیشلاغینینگ یشاووچیسی بولمیش بیر قیز سیوگیسی بیلن قاچیب تورموشگه چیققندن کیین باشلنگن. دستلب مذکور قضیه محل قوم بویوکلری و آقسقاللرینینگ واسطهچیلیگی نتیجهسیده حل بولیب همه نرسه عادی حالتگه قیتگن.
اما، آلتی آیدن کیین قیزنینگ ایناغهسی، سینگلیسی نینگ قیین آتهسی عایله اعضاسینی مهمان قیلیب، اولرنی گروگان آلگندن کیین سینگلیسی بیلن یزنهسینی باریب اوییده اولدیرهدی.
بغلان خاتین – قیزلر ادارهسی نینگ حقوق بوییچه مدیری اورانوس عاطفی، گرودهگی عایله اوغلی و کیلینی اولدیریلگندن سونگ دَرک سیز یوقالگن دیدی.
مرکزی بغلان ولسواللیگی نینگ حاکمی گوهرخان بابری، کیلین کیاونی اولدیرگن قاتل قولگه آلینیشی و گروگه آلینگن خانهداننی تاپیش اوچون تیرگاو باشلنگن دیگن.
مملکت شمالیده جایلشگن بغلان ولایتی اخیرگی وقتلرده خاتین قیزلرگه قرشی زورانلیک سابقهسی بولمهگن درجهده گواهی بولماقده.
اینگ سونگی مورداوتگن آی مذکور ولایتده یوز بیرگن حادثه لرنی نظردن قاچیرمسلیک کیرهک. اوتگن آی 8 یاشیر بیر قیز سینگلیسی ایرینینگ اوییدن قاچگنلیککه عیبلهنیب، سینگلیسینینگ ایری و یزنهسینینگ ایناغهسی تاماندن قیناققه آلینیب نیچه مرته جنسی تجاوز ایتیلگن ایدی.
