فاریاب، قندوز و نیمروز ولایتلری نینگ محلی رسمیلری، ساغلیک مسؤوللری و مدنی فعاللریدن بیرقطاری، اوشبو ولایتلرده کرونا ویروسی گه چلینگنلر و شبههلی کیشیلرنینگ سیناوینی نتیجهسی کیچ ییتیشیدن تنقید قیلیشگن.
اولرنینگ سلاموطندارگه ایتیشلریچه، اوشبو ولایتلرنینگ یشاوچیلریدن کرونا ویروسی توغریسیده آلینگن نمونهلر تشخیص ایتیلیشی اوچون کابل و هرات گه یوباریلهدی، بیراق اولرنینگ نتیجهسی بیر هفته دن سونگ، بو ولایتلرگه ییتیشهدی.
اولرنینگ آگاهلنتیریشیچه، دولت بو توغریده دقت قیلمهگن صورتده، مذکور ولایتلرده انسانی فاجعه یوز بیریشی ممکن.
شونینگدیک، فاریاب ولایتی نینگ حاکمی نقیبالله فایق، اوز توییتر صحیفهسیده، مذکور ولایتده کرونا ویروسی گه چلینگنلر و شبههلی کیشیلرنینگ سیناوینی نتیجهسی کیچ ییتیشیدن تنقید قیلگن.
فاریاب ولایتیده مدنی جماعهچیلیک ادارهسینی کاتبی نظرمحمد رضوانی نینگ ایتیشیچه، حاضرگهقدر 20 مینگ مهاجر ایران و پاکستاندن بو ولایت گه کیلگن، بیراق حاضرگهقدر فاریاب ده کرونا ویروسی نینگ تشخیص قیلووچی مرکز ایجاد ایتیلمهگن.
قندوز ولایتیده مدنی فعال هدایتالله زیارمل نینگ ایتیشیچه، بو ولایتده کرونا ویروسی گه چلینگنلر و شبههلی کیشیلرنینگ سیناوینی نتیجهسی کابل دن کیلگینچه، باشقه نیچه کیشی بو ویروس گه چلینهدی. شونینگدیک، او دولت دن قندوز ده کرونا ویروسی نی تشخیص قیلووچی بیر مرکز ایجاد ایتیلیشینی طلب قیلگن.
عین دمده، قندوز ولایتی بوییچه ساغلیقنی سقلش ریاست باشلیغی احسان فضلی نینگ ایتیشیچه، اولر نیچه مرته مرکزی رسمیلر بیلن اوشبو ولایت یشاوچیلری نینگ سیناوینی نتیجهسی کیچ ییتیشی و قندوز ده کرونا ویروسی نینگ تشخیص قیلووچی بیر مرکز ایجاد ایتیلیشی توغریسیده صحبت قیلگن، بیراق حاضرگهقدر هیچ بیر ایش قیلینمهگن.
قندوز ولایتی بوییچه ساغلیقنی سقلش ریاست باشلیغی نینگ ایتیشیچه، کرونا ویروسی گه شبههلی کیشیلردن آلینهدیگن نمونهلرنی کابل گه انتقال بیریشی گه هم کوپینچه قیینچیلیکلرگه روپهره بولهدیلر. اونگه کوره، هیداوچیلر بو نمونهلرنی کابل گه انتقال بیریش گه حاضر بولیشمهیدی.
شونینگدیک، نیمروز ولایتی بوییچه ساغلیقنی سقلش ریاست اورین باسری داکتر فرید احمدی نینگ ایتیشیچه، اوشبو ولایت یشاوچیلریدن کرونا ویروسی توغریسیده آلینگن نمونهلری تشخیص قیلینیشی اوچون هرات و کابل گه یوباریلهدی، بیراق اولرنینگ نتیجهسی 5 یا-ده 6 کوندن کیین معلوم بولهدی.
اونینگ ایتیشیچه، قندهار ده تشخیص قیلووچی مرکز فعال بولگنده، آلینگن نمونهلرنی تیکشیریلیشی اوچون مذکور ولایت گه یوباریشلری ممکن.
عین حالده، فاریاب، قندوز و نیمروز ولایتلری نینگ ساغلیقنی سقلش مسؤوللری و مدنی فعاللری، کوندهلیک یوریش چیکلاوی و کرونا ویروسی مذکور ولایتلرنینگ یشاوچیلری تامانیدن جدی آلینمهگنیدن تنقید قیلیشهدی.
ایتیش کیرهک کیم، حاضرگهقدر نیمروز ده 27 کیشی، فاریاب ده 3 کیشی و قندوز ده 3 کیشی کرونا ویروسی گه چلینگنلر.
