قندوز ولایتیده قطار اماملر، عیال نامزدلرگه قرشی تبلیغ قیلیب و اوشبو ولایت اهالیسیدن نمایندهلر کینگشی سیلاویده اشتراک قیلمهی و عیال نامزدلرگه آواز بیرمهیشینی سورهیدیلر.
قندوز ولایتیده عیال نامزدلردن بیری مرضیه رستمینینگ ایتیشیچه، عیاللر جدی قیینچلیکلرگه روپهره بولگن و اولر اهالی قیینچلیکلرینی یخشی انعکاس بیره آلهدی.
خانم رستمینینگ آگاهلنتیریب ایتیشیچه، سیلاولر ایرکین کمیسیونی، انسان حقلری کمیسیونی و حج و اوقاف وزیرلیگی بو قیینچیلیکنی حل قیلیش اوچون سعی و حرکت قیلمهگن صورتده، طرفدارلری بیلن ناراضلیک نمایش یولگه قویهدی.
انسان حقلری کمیسیونینی ساحهوی دفترینینگ باشلیغی سیدحفیظالله فطرتنینگ ایتیشیچه، سیلاو گه اشتراک قیلیش و آواز بیریش عیاللر و ایرککلرنینگ مدنی حقلری دیر. جناب فطرت گه کوره، سیلاولر شکایتلرینی تینگلش کمیسیونی، امنیتی رسمیلر و حج و اوقاف وزیرلیگینینگ عیال نامزدلرگه قرشی منفی تبلیغاتلرگه توسیق بولیشی کیرهک.
قندوز ولایتینینگ حج و اوقاف ریاستی باشلیغی مولوی رشاد ارشادنینگ ایتیشیچه، سیلاو لایحهسیدن حمایت قیلیش اوچون بوتون عالملرگه مکتوب یوباریلگن.
مملکت شمالشرق ولایتلری اینقسه قندوز ولایتیده افراطیت کوپهیشی کوپینچه خواطرلرنی اورتهگه چیقارگن.
