آز خرجتلی چراغلر رواجلنیشی اوچون 5 میلیون دالرلیک شرطنامه امضاءلنیش چاغیده سوو و برق وزیری علیاحمد عثمانینینگ ایتیشیچه، آز خرجتلی چراغلر «LED» فایدهلنیشیدن مقصد، کابل برقی یخشیلنیشی و برق ضایعاتی کمهیتیریلیش دیر.
جناب عثمانینینگ ایتیشیچه، مذکور شرطنامه خرجتی 4 میلیون و 800 مینگ دالردن کوپراق بولهدی و بو پول سوو و برق وزیرلیگینینگ رواجلنتیریش بودجهسیدن توللنهدی و بو ایش باشلنگنیدن سونگ، 26 هفته جریانیده یکونلنیشی ممکن.
جناب عثمانی گه کوره، اوشبو پروژه دستلب دولتی ادارهلر و کابل شهرینینگ جادهلریدن باشلنهدی.
شونینگدیک، سوو و برق وزیری، مملکت یشاوچیلریدن خرجتلری کمهییشی اوچون آز خرجتلی «LED» چراغلریدن فایدهلنیشلرینی سورهدی.
باشقه تاماندن، مذکور پروژهنی عملگه آشیرهدیگن «رایت تِک یوروپ» ناملی شرکت نمایندهسی سمیر بیاتنینگ ایتیشیچه، اولر اوشبو پروژهنی اوچ باسقیچ ده تعیین ایتیلگن زمانیده یکونلنتیریشی اوچون سعی و حرکت قیلهدیلر.
جناب بیات گه کوره، کوپ خرجتلی چراغلرنی آز خرجت گه اوزگرتیریش پروژهسی افغانستانده بیرینچی پروژه سنلهدی.
«رایت تِک یوروپ» ناملی شرکت نمایندهسینینگ ایتیشیچه، برق خرجتی کوپلیگی و ضایعاتی آلدی آلینیشی اوچون اوشبو پروژه ده 273 مینگ تور چراغ ایشلب چیقاریلیب و فایدهلنهدی.
