کنر ولایتینینگ نورگل تومنی یشاوچیلریدن اونلرچهسی، مذکور تومن حاکمی و معارف مدیری چیکلنتیریلیشینی ایستهگنلر.
جادهلرگه چیققن اعتراضچیلر، نورگل تومنینینگ حاکمی محمدولی خدام و معارف مدیری عبدالظاهرنی فسادگه عیبلگنلر.
بیراق، نورگل حاکمینینگ ایتیشیچه، اوشبو ناراضیلیک سونگی کونلر محلی اداره تامانیدن ایستگاهلری باشقه محلگه انتقال بیریلگن هیداوچیلر تامانیدن ریجهلنگن. جناب خدامنینگ ایتیشیچه، هیداوچیلردن یشاوچیلرنینگ کیین مه کیین شکایتلریدن سونگ، اولر ایستگاه نی باشقه ییرگه انتقال بیرگن.
شونینگدیک، نورگل تومنینینگ معارف مدیرلیگینی نظارت قیلووچی کمیسیون اعضاسی عزیزالله صدیق، مذکور تومن معارف مدیری گه بولگن فساد عیبلاوینی رد قیلیب ایتیشیچه، اوشبو ناراضیلیکلر قیزلرگه تیگیشلی بیر مکتب اونگیدن هیداوچیلرنینگ ایستگاهی باشقه ییرگه انتقال بیریلگنیدن کیلیب چیققن.
اعتراضچیلر اسدآباد-جلالآباد قتناو یولینی بیر ساعت توسیب آگاهلنتیریشیچه، شکایتلریگه دقت قیلینمهگن صورتده، اعتراضلریگه دوام بیرهدیلر.
