بامیان پولیس قومندانلیگی مسووللری نینگ ایتیشیچه، اوتگن "چهارشنبه" کونی 17 یاشر بیر قیز بامیان مرکزی نینگ دره فولادی منطقهسیده خودکشلیک قیلگن.
بامیان پولیس قومندانلیگی نینگ جنایی بولیمی مدیری محمد موسی امام نینگ ایتیشیچه، اوشبو یاش قیز اوتگن "چهارشنبه" کونی ایرتهلب ساعت 8 اطرافیده اوزینی آسگن.
اونینگ ایتیشیچه، بو واقعه انگیزهسی بیللی ایمس، بیراق پولیس تامانیدن تیکشیریشلر باشلنگن.
عینحالده، کیملیگی سیرقالیشنی ایستهگن بیر منبع نینگ سلاموطندارگه ایتیشیچه، مذکور یاش قیز عایلهوی قیینچیلیکلر باعث، خودکشلیک قیلگن.
ایتیلیشیچه، سونگی ییللرده عایلهوی و اقتصادی قیینچلیکلر باعث، یاشلرنینگ آرهسیده خودکشلیک واقعهلر کوپهیگن. نیچه پیت آلدین قندوز ولایتیده عایلهوی قیینچیلیکلر سبب، بیر ایرکک، عایله اعضالریدن 7 تهسینی اولدیرگن ایدی.
