اوتگن کون «شنبه» پنجشیر دینگیزینی سووی زهرلنگنی توغریسیده شایعهلر چیققنیدن سونگ، بوگون ایرتهلب جبلالسراج تومنیگه تیگیشلی «زربیا» مکتبیدن زهرلنگن اونلرچه اوقووچی پروان یوز بستر کسلخانه گه انتقال بیریلگن.
سلاموطندارگه صحبت بیرگن پروان معارف ریاستی اداری اورین باسری نظامالدین رحیمینینگ ایتیشیچه، زهرلنگن اوقووچیلرنینگ رقمی 113 کیشی گه ییتیشهدی و بولر پروان نینگ ایریم منطقهلری مکتبلر و مدرسهلردن کسلخانه گه آلیب کیلینگن.
اوشبو اوقووچیلرنینگ ایتیشیچه، سوو ایچگنیدن 10 و 15 دقیقه اوتگنیدن سونگ، یورکلری یمان، باشلری گیچ و نفسلری توتیلگن.
پروان ملکی یوز بسترلیک کسلخانهسینی باش طبیبی عبدالقاسم سنگین نینگ ایتیشیچه، مراجعه قیلگنلردن 7 تهسینینگ وضعیتی یخشی ایمس دیر و اولرنی یاتقیزیب دارلماقدهلر. جناب سنگین گه کوره، زهرلنیشنی اصلی سببینی بیللی قیلیش اوچون کسللردن اورنک آلینیب و باشکینت یوباریلگن.
اوشبو واقعهدن سونگ، پروان ولایتینینگ یشش محیطنی سقلش ریاستینینگ آگاهلنتیریشیچه، یشاوچیلر پنجشیر دینگیزیدن آققن سوو و اونینگ بالیقلرینی ییمهسی کیرهک.
