افغانستانده دوام ایتگن نیچه اون ییللیک اوروش مینگلب خانهداننی پاکستانگه قاچیب کیتیشیگه باعث بولدی. نیچه ییللردن بیری بو مملکتده استقامت قیلیب کیله دیگن افغان قاچقینلری سرمایه توپلب اوی ایگهسی و امکانیتگه ایگه بولگنلر.
بو عایلهلر کوپینچهسی نینگ مهاجرت زمانی چوزیلگن لیگی باعث پاکستانلیک قیزلر بیلن اویلهنیب حتی پاکستانلیکلرگه قیز بیرگنلر. لیکن، حاضر کابل – اسلام آبادنینگ مناسبتی ترهنگلهشیش آرتیدن افغان قاچقینلرینی بو مملکتدن هیدهب چیقاریش تهدیدی کوتیلمهگن درجهده آشگن. پاکستان فقراسی بیلن تورموش قوریب و تورموش اورتاغی بیلن بو مملکتده استقامت قیلیشگه مجبور بولگن خانهدانلر هم چیقاریلگن.
بو خاتینلرنینگ سلامطوندارگه حکایه قیلیب بیریشیچه، ایرلری افغان بولگنلیگی سبب پاکستان حکومت تامانیدن بو مملکتدن هیدهب چیقاریلگنلر. اولر، تورموش اورتاقلریگه پاکستانگه قیتیش اوچون رخصت بیریلمهگن حالده، فرزندلری تعلیمدن قالیش بیلن ییریک قیین چیلیکلرگه دوچار بولیشلرینی تیلگه آلگنلر.
بوندن اون بیش ییل مقدم افغانستانلیک بیر ایرکک بیلن اویلنگن طاهره حاضر آلتی فرزندنینگ آنهسی. او، پاکستان حکومتیدن عایلهسی اوچون بو مملکتده استقامت قیلیش و فرزندلریگه تعلیم شرایطی مهیا قیلیشنی سورهگن.
افغانستان فقراسی بیلن تورموش قورگن خاتینلردن ینه بیری راحده. او هیچ بیر زمان افغانستانده بولیشنی ایستهمیدی. راحده هم باشقه خاتینلر سینگری پاکستان حکومتیدن تورموش اورتاغیگه بو مملکتده یشش اوچون اذین بیریشنی طلب قیلهدی.
افغانستانلیک خیرالله پاکستانلیک قیز بیلن اویلنگن. اونینگ تعبریچه، پاکستان نینگ برچه سیاسی حزبلری قاچقینلرنینگ یشش مددتی چوزیلیشی اوستیده کیلیشگنلر؛ لیکن، خاتینی پاکستانلیک بولگن افغانلرگه بو قضیه فرقلی «بولرنینگ افغانستانگه قیتیشی حتمی»
او، پاکستانده دایمی استقامت قیلیشی اوچون حجت بیریلیشینی طلب قیلگن.
اما، پاکستانلیک مدافع وکیل محسن داورگه کوره، پاکستان اساسی قانونیگه موافق تشقی مملکتلردن کیلگن خاتین پاکستان فقراسی بیلن اویلنگن بولسه بو مملکتده استقامت قیلیش حقوقیگه ایگه؛ بیراق، پاکستانلیک عیاللر بیلن تورموش قورگن افغانستانلیک ایرککلرگه بو مملکتده حیات کیچیریش اوچون رخصت بیریش قانونده کیلمهگن دیگن.
افغانستان نینگ پیشاوردهگی وکیلی دکتر عبدالله وحیدپویان، بو قیین چلیک برطرف ایتیلیشی مقصدیده پاکستان تامانی بیلن مذاکره قیلگن لیگینی ایتگن. او، بو توغریده تیزلیک حل یول تاپه میزدیدی.
بو مرته قاچقینلر مسالهسی فرقلی کورینهدی. رسمی اسلام آباد ایسه افغانستانلیک قاچقینلرنی هیدهب چیقاریش اوچون آلگن قراریگه شَی. انه شو باعث کون اوتیشی بیلن افغانستانلیک قاچقینلر اوچون بو مملکتده ایریم چیکلاولر یره تیلماقده.
