سرپل ولایتی نینگ سانچارک تومنی ولسوالی نقیبالله دقیق نینگ سلاموطندارگه ایتیشیچه، طالبان جنگریلری اوتگن کیچه عایشه ناملی 28 یاشر بیر عیالنی اوشبو تومن نینگ «تخایخواجه» منطقهسیده اوققه توتگن.
سانچارک تومنی نینگ ولسوالیگه کوره، مذکور عیال اوشبو تومنده طالبان امربلمعروف مسوولی ملا هاشم بویروغی آرقهلی اولدیریلگن.
جناب دقیق نینگ کوپهیتیریشیچه، اولدیریلگن عیالدن 3 باله قالگن.
عینحالده، محلی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، طالبان گروهی اوشبو عیالنی نامشروع رابطهسی بولگنی سبب، اولدیرگن.
بیراق، سرپل ولایتی بوییچه عیاللر ریاستی مسووللری نینگ طالبان نظارتیده بولگن منطقهلرده عیاللرگه قرشی زوروانلیک کوپهیشیدن خواطر بیلدیریب ایتیشلریچه، جاری ییل باشلنگنیدن حاضرگهقدر 15 قتل اوشبو ادارهگه قید ایتیلگن و مذکور قتللردن کوپراغی طالبان حاکمیتیگه یوز بیرگن.
سرپل ولایتی بوییچه عیاللر ریاستی باشلیغی نبیلا حبیبی نینگ ایتیشیچه، طالبان نظارتیده بولگن منطقهلرده عیاللرگه قرشی زوروانلیک کوپهیگن و سونگی پیتلرده بیر عیال نامعلوم دلیللر باعث، اوققه توتیلگن.
سرپل ولایتی بوییچه عیاللر ریاستی باشلیغی نینگ ایتیشیچه، طالبان نظارتیده بولگن منطقهلرده عیاللرگه قرشی زوروانلیکلرنینگ کوپهیشی خواطرلنترووچی دیر.
شونینگدیک، سرپل مدنی فعاللریدن بیرقطاری نینگ ایتیشلریچه، «تغایخواجه» قیشلاغی ایکی ییلدن بویان طالبان نظارتیگه دیر و اوشبو گروه جنگریلری تینچ اهالیگه قرشی هیچقندهی زوروانلیکدن قول تارتمهیدی.
طالبان گروهی حاضرگهقدر بوتوغریده فکر بیلدیرمهگن.
