.jpg)
جنسی قشاقلیک چیکلهنیب قالگن قیینچیلیکلردن ایمس و اوشبو قیینچیلیک بیلن دنیا مملکتلری روپهره، بیراق افغانستانده سواد سطح قویلیگی و سنتگه چیکلهنیب قالیشلر سبب می، اوشبو معما کوپهیب بارماقده.افغانستانده اوشبو قیینچیلیک بیلن روپهره بولگن اونلرچه خانم تمثالی؛ سمند و مریم اوز حکایتلرینی بونقه تیلگه آلهدیلر.
مریم نینگ ایتیشیچه، اوتیش قیتیش یولیدهگی ایرککلرده کورینگن جنسی قشاقلیک سبب، بیر ییل اویگه اولتیریب قالگن. بو یاش قیز جنسی بیزاوته قیلینگن زمان اوزیدن یمانی کیلگن لحظهلرینی باشیدن اوتگن هر بیرشخص بیلهدی، او هرقچان اویدن تشقریده چیققنده ایرککلرنی یمان گپلری و قیلیغلریدن تنفر قیلیب آلدیندن کوره کوپراق یمانی کیلردی.
مریمگه کوره، کیشی بولمهگن یوللر و کیچیک کوچهلرده حتی بورقعهلیک خاتینلر هم اوزلرینی تینچ حس ایتمیدیلر و عیاللر اوچون بو محلهلر تینچلیک احساسینی بیرمهیدی. مریم، «کسل» ایرککلر عیاللرنی کورگن زمان الق-بلق بولیب کوزلرینی قیمتیش و باشدن ایاغیگه قدر خاتین-قیزلرنی آولشگه اولتیرهدیلر و حتی بیرار جرار راقی ایسه اوزینی کیلتیریب اورهدی دیدی.
مریم نینگ ایتیشیچه، بونقه جنسی بیزاوته قیلیشلر، شاید طرفگه خوش یاقسه، بیراق او، بونقه ایشلردن یمانی کیلهدی و اوزیگه اولیم تیلهیدی. بو یاش قیزنینگ ایتیشیچه، بونقه برخوردلر اونگه شونچه لیک حقارت کیلتیرهدی و ضرور ایشی بولمهگنده اویدن چیقمهیدی و چیققن صورتده هم یوز یوره کنی بیرته قیلیب چیقهدی.
باشقه بیر یاش قیز سمندهم اونلرچه مرته جنسی بیزاوته بولگن. سمند یوللرده و کوچهلرده جنسی بیزاوته بولگنیدن گپیرماقچی بولگنده یورهگی تولیب کوزلریگه یاش ایلندی و ایتیشیچه، مکتب و آلیش ساتیش اوچون بازار یوللریدن یمان خاطرهلرینی روایت قیلهدی.
.jpg)
اونینگ ایتیشیچه، اویدن چیقیشی بیلن دستلب «تیلیفون رقمینگ قنچه؟» دیگن گپنی ایرککلردن ایشیتهدی. اونلرچه مرته سمند پولیسگه مراجعت قیلگن، بیراق اونگه کوره، گپلریگه پولیس دقت قیلمهگنی یانیده اولر تامانیدن هم بیزاوته قیلینگن.
سمند، ایرککلرنی جنسی بیزاوته قیلیش روایتلرینی ایتیشگه یورهگی بولمهیدی، تیز تیز ایتیب اوتهدی، هیچ قچان اوزی ایستهگن کییمینی کییالمهگن؛ «اویدن چیقیشیم بیلن اینیقسه بورقعه کیمهگن بولسم، اونلرچه ایرککنی کورگن من کوزلرینی چیقاریب باشیمدن ایاغیمگچه کوز اوزمیدیلر.»
عیاللر وزیرلیگی لایحهلر بولیمی باشلیغی لطیفه ظریفی نینگ ایتیشیچه، ایرککلرنی خاتین قیزلرگه قره شلری نیچه دهه اوروشلردن قالگن نتیجه دیر. خانم ظریفی، اهالیگه بوبارهده معلومات بیریشلری بیلن قیینچیلکلرنی اورتهدن کوتاریشگه موفق بولهمیز دیب اویلیدی.
ایرککلر تامانیدن عیاللرگه قرشی یمان گپ ایتیلیب ناشایسته کیلیشلر ینگی بیر پدیده ایمس.
بوندن آلدین هم کوپلب ایشلاوچی خانملر جنسی بیزاوتهلردن روایت قیلیب سلاموطندارگه یوبارگن ایدیلر. بو حکایتلر عیاللرگه قرشی جنسی بیزاوتهلر روایتیدن کیلیب چیقردی. شونینگدیک اداره لرده ایش چارچوبهسی موجود و منتظم سیستم یوزهسیدن جنسی بیزاوته قیلیشلرنی ایلدیزدن یوقاتیشگه موفق بولهدیلر، بیراق یوللردن اوشبو پدیدهنی یوقاتیش و عمومی ییرلردن مملکت بویلب امینت بوزوغلیگیده، امکانی یوق دیسه خطا بولمیدی.
